Xitay hökümiti chöchekni nuqtiliq tereqqiyat rayoni qilip békitti

2020.12.15

15-Dékabir küni xitay merkiziy hökümiti mexsus höjjet chiqirip, chöchek shehrini sinaq teriqiside “Nuqtiliq tereqiyat rayoni” qilip échish heqqidiki qararini élan qildi.

“Xitay xewerliri” torining 15-dékabirdiki xewiride éytilishiche, xitay hökümiti ottura asiya rayoni bilen bolghan hemkarliqni kücheytish, “Bir belwagh bir yol qurulushi” ni téximu yaxshi dawam qildurush, chégra rayonning muqimliqi hemde Uyghur diyaridiki ijtima'iy muqimliq we uzun'gha sozulghan eminlikni téximu yaxshi emelge ashurush üchün bu qararni qobul qilghaniken.

Melum bolushiche, chöchek rayoni nöwette bingtu'enning kontrolluqidiki jaylardin bolup, xitay hökümitining bu qarari yene bir yaqtin élip éytqanda ularning bingtu'enni téximu kücheytishi üchün xizmet qilidiken.

Muhajirettiki bir qisim analizchilar bu heqte pikir qilip “Xitay hökümitining bu xildiki tereqqiyat rayonlirini échishi yéngi ish emes. Shundaqla héchqachan yerlik Uyghurlargha iqtisadiy menpe'et élip kelgenmu emes” dédi. Yene beziler bolsa xitay hökümitining bu qétimqi höjjitide bu qararni “Ittipaqliq we muqimliqning muhim kapaliti” dégenlikige asasen 1940-yillardiki “Sherqiy türkistan jumhuriyiti” mewjut bolghan rayonlarning biri bolghan chöchek shehrini “Tereqqiyat rayoni” qilip échishini “Küchlük siyasiy muddi'animu öz ichige alidu” dep qaraydighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.