Uyghurche eqliy iqtidarliq terjime sistémisi sinaq teriqiside ishlitilishke bashlighan

Muxbirimiz irade
2016-08-15
Share

Xitay milletler terjime idarisi 8 - ayning 12 - küni ürümchide axbarat élan qilish yighini ötküzüp, Uyghurche - xitayche eqliy iqtidarliq terjime sistémisining dunyagha kelgenlikini jakarlighan.

Tengritagh torining bu heqtiki xewirige qarighanda, axbarat élan qilish yighinida eqliy iqtidarliq terjime sistémisining 6 xil iqtidari tonushturulghan.

Uningda xitay tili bilen Uyghur, mongghul, tibet, qazaq, koriyan, yizu, jwangzu tillirida öz'ara paranglishish détali, Uyghurche - xitayche tawushni yéziqqa aylandurush détali, alma we andiroyid yanfonliri üchün layihilen'gen Uyghurche - xitayche awazliq terjime qilish détali, Uyghurche awazliq xet kirgüzgüch, Uyghurche torda aptomatik korréktorluq qilish sistémisi qatarliq alte xil détal sinaq teriqiside ishlitilishke sunulghan.

Xewerde déyilishiche, axbarat élan qilish yighinida Uyghurche - xitayche paranglishalaydighan mashina ademning alahidilikliri tonushturulup, neq meydanda sinaq qilin'ghanliqi melum.

Uyghurche - xitayche eqliy iqtidarliq terjime sistémisining sinaq teriqiside ishlitilishke bashlighanliqi Uyghur tilining éléktron we sifirliq dewrdiki tereqqiyatini namayan qilsimu, emma muhajirettiki Uyghur bilim ademliri uning awamning éhtiyajini emes, belki hökümet qurultayliridiki terjime éhtiyajini közde tutqanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet