Даириләр “террорлуққа қарши туруп, муқимлиққа капаләтлик қилидиған” кадирларни тәрбийилимәктә

Мухбиримиз ирадә
2016-01-07
Share

Уйғур аптоном райони даирилири“муқимлиқ вә мәңгүлүк әминлик” кә капаләтлик қилидиған кадирлар сепини йетиштүрүш хизмитини күчәйткән.

“шинҗаң хәвәрләр тори”ниң бу һәқтики хәвиридин қариғанда, уйғур аптоном районлуқ партком йезиларда “террорлуққа қарши туруп, муқимлиққа капаләтлик қилиш” үчүн мәхсус йеза дәриҗилик таянч кадирларни тәрбийиләш хизмитини йолға қойған. Буниңға асасән, 2015-йили ичидә 1000 нәпәр йеза дәриҗилик кадир тәрбийиләнгән. 2014-Йили ичидә болса аптоном район, вилайәт-шәһәр вә наһийә дәриҗилик 35 миңдин артуқ кадир тәрбийиләнгән.

Бу кадирлар адәттә “террорлуққа қарши туруп, муқимлиққа капаләтлик қилиш” сияситини йезиларниң әмәлийитигә бирләштүрүш бойичә 45 күнлүк сиясий нәзәрийә курсиға орунлаштурулидикән.

Хитай һөкүмити уйғур аптоном районида террорлуқ вә диний ашқунлуқниң муқимсизлиққа сәвәб болуватқанлиқини илгири сүрүп, бу җәһәттә мисли көрүлмигән тәдбирләрни елип кәлди. Бирақ хәлқара кишилик һоқуқ органлири болса уйғур елидики муқимсизлиққа дәл хитай һөкүмитиниң уйғур елида йүргүзүватқан сиясәтлири сәвәб болуватқанлиқини илгири сүриду.

Хәвәрдә йәнә, 2016-йилида дәсләпки түркүмдә тәрбийиләнгән 600 нәпәр кадирниң бу йил 3-айда оқуш пүттүридиғанлиқи тилға елинған. Чәтәлләрдики көзәткүчиләр хитай һөкүмитиниң қуруқ сиясий тәшвиқатниң орниға уйғур хәлқиниң наразилиқини пәсәйтидиған әмәлий өзгиришләрни қилиши керәкликини билдүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт