Da'iriler "Térrorluqqa qarshi turup, muqimliqqa kapaletlik qilidighan" kadirlarni terbiyilimekte

Muxbirimiz irade
2016-01-07
Share

Uyghur aptonom rayoni da'iriliri"Muqimliq we menggülük eminlik" ke kapaletlik qilidighan kadirlar sépini yétishtürüsh xizmitini kücheytken.

"Shinjang xewerler tori"ning bu heqtiki xewiridin qarighanda, Uyghur aptonom rayonluq partkom yézilarda "Térrorluqqa qarshi turup, muqimliqqa kapaletlik qilish" üchün mexsus yéza derijilik tayanch kadirlarni terbiyilesh xizmitini yolgha qoyghan. Buninggha asasen, 2015-yili ichide 1000 neper yéza derijilik kadir terbiyilen'gen. 2014-Yili ichide bolsa aptonom rayon, wilayet-sheher we nahiye derijilik 35 mingdin artuq kadir terbiyilen'gen.

Bu kadirlar adette "Térrorluqqa qarshi turup, muqimliqqa kapaletlik qilish" siyasitini yézilarning emeliyitige birleshtürüsh boyiche 45 künlük siyasiy nezeriye kursigha orunlashturulidiken.

Xitay hökümiti Uyghur aptonom rayonida térrorluq we diniy ashqunluqning muqimsizliqqa seweb boluwatqanliqini ilgiri sürüp, bu jehette misli körülmigen tedbirlerni élip keldi. Biraq xelq'ara kishilik hoquq organliri bolsa Uyghur élidiki muqimsizliqqa del xitay hökümitining Uyghur élida yürgüzüwatqan siyasetliri seweb boluwatqanliqini ilgiri süridu.

Xewerde yene, 2016-yilida deslepki türkümde terbiyilen'gen 600 neper kadirning bu yil 3-ayda oqush püttüridighanliqi tilgha élin'ghan. Chet'ellerdiki közetküchiler xitay hökümitining quruq siyasiy teshwiqatning ornigha Uyghur xelqining naraziliqini peseytidighan emeliy özgirishlerni qilishi kéreklikini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet