2021-Йили уйғур районида техник тәрбийәләш мәктәплири давамлиқ қурулмақчикән

Мухбиримиз җәвлан
2021-02-02
Share

Хитайчә "үрүмчи кәчлик гезити" ниң 2-феврал тарқатқан хәвиригә қариғанда, хитай һөкүмити "ихтисаслиқларни тәрбийәләш, ишсизларни ишқа орунлаштуруш, иҗтимаий параванлиққа капаләтлик қилиш" дегәндәк бир йүрүш сиясәтләрни "намратлиқтин қутулушқа ярдәм бериш сиясәтлири" дәп тәшвиқ қилишқа башлиған болуп, "ихтисаслиқларни тәрбийәләш" үчүн җәнубтики үч вилайәт бир областниң һәр бир наһийәсидә бирдин техник тәрбийәләш мәктипи қурушни пиланлиған.

Хәвәрдә йәнә хитай һөкүмитиниң аз санлиқ милләт техник хадимлирини зор күч билән тәрбийәләйдиғанлиқи, кәсипий хадимларни еһтияҗлиқ йәрләрдә хизмәт қилишқа риғбәтләндүридиғанлиқи, кәсипий унван баһалашта "қаратмилиқ баһалаш, қаратмилиқ ишлитиш" усулини қоллинидиғанлиқи ейтилған.

Анализчиларниң қаришичә, хитай һөкүмити җәнубтики һәр бир наһийәдә қурмақчи болған техник тәрбийәләш мәктәплири хитай таратқулири илгири "кәсипий тәрбийәләш мәркизи" дәп атаватқан лагер мәктәплириниң давами болуши мумкин икән. Йәнә бир җәһәттин, хитай даирилири "биз йиллардин бери мушундақ кәсипий тәрбийәләш орунлири қуруватимиз" дегән тәшвиқатни қиливатқан болушиму мумкинкән. Әгәр бу мәктәпләр һәқиқәтән "техник тәрбийәләш мәктипи" болса, бу мәктәпләр лагер ичи вә сиртидики уйғурларни қул ишчи қилип тәрбийәләйдиған, "техника өгитиш" билән меңә ююшни бирләштүридиған йеңи типтики "кәсипий тәрбийәләш мәркизи" болуши мумкин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт