2021-Yili Uyghur rayonida téxnik terbiyelesh mektepliri dawamliq qurulmaqchiken

Muxbirimiz jewlan
2021-02-02
Share

Xitayche "Ürümchi kechlik géziti" ning 2-féwral tarqatqan xewirige qarighanda, xitay hökümiti "Ixtisasliqlarni terbiyelesh, ishsizlarni ishqa orunlashturush, ijtima'iy parawanliqqa kapaletlik qilish" dégendek bir yürüsh siyasetlerni "Namratliqtin qutulushqa yardem bérish siyasetliri" dep teshwiq qilishqa bashlighan bolup, "Ixtisasliqlarni terbiyelesh" üchün jenubtiki üch wilayet bir oblastning her bir nahiyeside birdin téxnik terbiyelesh mektipi qurushni pilanlighan.

Xewerde yene xitay hökümitining az sanliq millet téxnik xadimlirini zor küch bilen terbiyeleydighanliqi, kesipiy xadimlarni éhtiyajliq yerlerde xizmet qilishqa righbetlendüridighanliqi, kesipiy unwan bahalashta "Qaratmiliq bahalash, qaratmiliq ishlitish" usulini qollinidighanliqi éytilghan.

Analizchilarning qarishiche, xitay hökümiti jenubtiki her bir nahiyede qurmaqchi bolghan téxnik terbiyelesh mektepliri xitay taratquliri ilgiri "Kesipiy terbiyelesh merkizi" dep atawatqan lagér mekteplirining dawami bolushi mumkin iken. Yene bir jehettin, xitay da'iriliri "Biz yillardin béri mushundaq kesipiy terbiyelesh orunliri quruwatimiz" dégen teshwiqatni qiliwatqan bolushimu mumkinken. Eger bu mektepler heqiqeten "Téxnik terbiyelesh mektipi" bolsa, bu mektepler lagér ichi we sirtidiki Uyghurlarni qul ishchi qilip terbiyeleydighan, "Téxnika ögitish" bilen ménge yuyushni birleshtüridighan yéngi tiptiki "Kesipiy terbiyelesh merkizi" bolushi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet