Téxnika oghrisi xitay er jinayitini iqrar qilghan

Muxbirimiz jüme
2016-01-30
Share

Amérika shirkiti patént alghan qonaq uruqlirini oghrilap xitaygha élip ketmekchi bolghan xitay er 27 - yanwardiki sotta jinayitini iqrar qilghan.

"Hamiy" (gardiyan) gézitining xewer qilishiche, mo xeylong isimlik bu xitay er "Monsanto" we "Dupont" qatarliq uruqchiliq yuqiri pen - téxnika shirketliri tetqiq qilip chiqqan qonaq uruqlirini oghrilap, u xitaydiki waqtida ishligen "Béyjing dabéynong téxnologiye guruhi" gha bermekchi bolghan.

Amérika edliye ministirlikining ayowa shtatigha qarashliq bir orgini élan qilghan bayanatta körsitishiche, mo shirketning "Chétishturulghan qonaq uruqlirini ayowa shtatidiki étizlardin oghrilap, ularni xitaygha yötkesh pilani tüzgenlikini iqrar qilghan."

Bayanatta: "Bu oghrilan'ghan uruqlar dupont we monsanto shirketlirining qimmetlik eqliy mülki" déyilgen.

Bayanatqa qarighanda, mo xeylong xitay puqrasi bolup, amérikida ishlesh wizisi arqiliq menggülük olturaqlishish guwahnamisi - yéshil kartigha érishken iken.

Uning yuqiri jinayitige 10 yilliq qamaq jazasi bérilgendin bashqa, 250 ming dollar jerimane qoyulidighan bolup, hökümet terep gumandar bilen kélishkini boyiche uni 5 yildin artuq solimaydiken.

Uninggha höküm élan qilish künini ayowa shtati téxi békitmigen.

Xewerlerge qarighanda, moning jinayi qilmishliri amérika fédératsiye tekshürüsh idarisi teripidin tekshürülgen bolup, u 2011 - yili uruq sortlirining tejribe étizida timisqilap yürgende bayqilip qalghan we kéyin qolgha élin'ghan.

Melum bolushiche, mo xeylong ilgiri ishligen béyjing dabéynong téxnologiye guruhi xitayning hökümet igidarchiliqidiki shirket iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet