Тәйвәндә «шәрқий түркистан: уйғурларниң һәқиқий дуняси» намлиқ йеңи китаб нәширдин чиққан

Мухбиримиз қутлан
2016-09-17
Share


Игилишимизчә, йеқинда тәйвәнниң «авангарт» нәшрияти «шәрқий түркистан: уйғурларниң һәқиқий дуняси» намлиқ йеңи китабни нәшир қилип тарқатқан.

Мәзкур китаб һүр тәңритағ тәхәллуслуқ аптор тәрипидин хитай тилида йезилған болуп, тәйвән вә хоңкоңда ишлитилидиған аддийлаштурулмиған кона хитай йезиқида нәшир қилинған.

Бу китаб 10 бабтин тәшкил тапқан болуп, дәсләпки икки бабида хитайлар «шинҗаң» дәп атаватқан бу земиндики милләтләр вә бу тупрақниң хитай хәритисигә қачан вә қандақ шараитта кирип қалғанлиқи һәққидә баян берилгән. Китабниң асаслиқ мәзмуни шималий милитаристлар, гоминдаң вә хитай компартийәси һөкүмранлиқи дәвридики уйғурларниң миллий қутулуш күрәшлири йорутилған. Ахириқи икки бабида чәтәлләрдики уйғур тәшкилатлириниң паалийәтлири вә хитайларниң «җуңхва бирлики» нәзәрийәси асасидики хитай милләтчилики һәққидә мулаһизиләр елип берилған.

«Авангарт» нәшриятиниң мәзкур китаб һәққидики тонуштуришида мундақ дейилгән: «бу китаб хитай тили дунясида биринчи қетим "җуңхва бирлики" идийәсидин мустәсна һалда уйғурларниң нуқтисидин шәрқий түркистанниң тарихи, мәдәнийити вә сиясий муһити шәрһийләнгән муһим әсәрдур.

«Авангарт» нәширяти мәзкур китабниң аптори һүр тәңритағ һәққидә тәпсилий мәлумат бәрмигән. Пәқәтла апторниң уйғур дияридики мәлум бир алий мәктәптә хизмәт қилидиған, чоңқур билимгә игә уйғур зиялийси икәнликини әскәрткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.