Teywende Uyghur, tibet, mongghul, teywen, xongkong musteqilchiliri axbarat élan qilish yighini chaqirdi

Muxbirimiz erkin
2016-12-09
Élxet
Pikir
Share
Print

9‏-Dékabir, "Xelq'ara kishilik hoquq küni" harpisida Uyghur, tibet, mongghul, teywen, xongkong musteqilchiliri we falun'gung wekilliri teywende ortaq axbarat yighini chaqirip, béyjing da'irilirining bu rayonlardiki siyasitini eyiblidi.
"Asiyada kishilik hoquq buzghunchiliqi we öz teqdirini özi belgilesh" namliq bu yighinni teywen kishilik hoquq medeniyet jem'iyiti, teywen xitaygha ghemxorluq qilish kishilik hoquq jem'iyiti ortaq teshkilligen.

Yighinda her qaysi wekiller nöwet bilen söz élip, béyjing hökümitining Uyghur, tibet, mongghul rayonlirida "Irqiy qirghinchiliq, ma'aripni burmilash, bayliqini bulang-talang qilish, diniy erkinlikke buzghunchiliq qilish, söz erkinlikini boghush...." qatarliq heriketler bilen shughulliniwatqanliqini tekitligen.

Yighinda yaponiye Uyghur jem'iyitining re'isi ilham mexmut söz qilip mundaq dégen: " Biz 2004-yili Uyghur aptonom rayonluq hökümet re'isining aghizidin shuni bilduq. 1980‏-Yillarning axirliri bashlan'ghan pilanliq tughut siyasiti bizde 3 milyon bowaqning ana qarnida ölüp kétishini keltürüp chiqardi."

Ilham mexmut yene, yol xéti yoq Uyghurlarning öz wetinide héchnege midirliyalmaydighanliqini, méhmanxanida yatalmaydighanliqini, balilarning ünümlük ma'arip terbiyisi alalmaydighanliqini bildürgen. Yighinda jenubiy mongghuliye qurultiyining bash katipi deychin, xitay hökümiti "Chinggizxan ewladlirining jasariti, mongghullarning milliy iradisi we rohini weyran qildi. Ular tupraqlirimizni tartiwélip, derslik kitablirimizni özgertti, mongghullarning diniy étiqadigha buzghunchiliq qildi" dégen.

Lékin, teywendiki "Jungxu'a birlikini algha sürüsh partiyesi" dégen bir guruhning bir türküm ezasi yighin meydanining sirtida yighilish ötküzüp, ulargha naraziliq bildürgen.

Toluq bet