Японниң тәйвәндики вакаләтханисиниң намини өзгәртиши хитайниң наразилиқини қозғиди

Мухбиримиз шөһрәт һошур
2016.12.28
Share on WhatsApp
Share on WhatsApp

Тәйвәндә дипломатик вәзипә өтәп келиватқан японийәниң “малийә қануний вәкиллири һәмкарлиқ җәмийити” йеқинда өз намини “япон-тәйвән һәмкарлиқ җәмийити” гә өзгәткәнликини вә йеңи намниң 2017-йили январдин башлап рәсмий қоллинилидиғанлиқини елан қилған иди.

Хитай ташқи ишлар баянатчиси хуа чүнйиң бүгүн бу һәқтә позитсийә билдүрүп, мәзкур нам өзгәртишни“тәйвән мәсилисидә икки җуңго сигнали пәйда қилидиған сәлбий бир урунуш” дәп тәнқид қилған. У йәнә, япон тәрәпни бир җуңго вәдисидә чиң турушқа, хәлқараға хата сигналларни бәрмәсликкә вә икки дөләт мунасивитидә йеңи тосалғуларни шәкилләндүрмәсликкә чақирған.

Бейҗиң билән токйо арисида 1972-йили дипломатик мунасивәт орнитилғандин кейин, японийәниң тәйвән билән дипломатийә ишлирини “малийә қануний вәкиллири һәмкарлиқ җәмийити” намидики орган беҗирип келиватқан. Б б с ниң бүгүнки бу һәқтики хәвиридә баян қилинишичә, японийәниң мәзкур оргининиң бир хадими бу нам өзгәртишниң тәйвәнни етирап қилишни күчләндүрүш икәнликини ашкарилиған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.