Yaponning teywendiki wakaletxanisining namini özgertishi xitayning naraziliqini qozghidi

Muxbirimiz shöhret hoshur
2016.12.28
Share on WhatsApp
Share on WhatsApp

Teywende diplomatik wezipe ötep kéliwatqan yaponiyening “Maliye qanuniy wekilliri hemkarliq jem'iyiti” yéqinda öz namini “Yapon-teywen hemkarliq jem'iyiti” ge özgetkenlikini we yéngi namning 2017-yili yanwardin bashlap resmiy qollinilidighanliqini élan qilghan idi.

Xitay tashqi ishlar bayanatchisi xu'a chünying bügün bu heqte pozitsiye bildürüp, mezkur nam özgertishni“Teywen mesiliside ikki junggo signali peyda qilidighan selbiy bir urunush” dep tenqid qilghan. U yene, yapon terepni bir junggo wediside ching turushqa, xelq'aragha xata signallarni bermeslikke we ikki dölet munasiwitide yéngi tosalghularni shekillendürmeslikke chaqirghan.

Béyjing bilen tokyo arisida 1972-yili diplomatik munasiwet ornitilghandin kéyin, yaponiyening teywen bilen diplomatiye ishlirini “Maliye qanuniy wekilliri hemkarliq jem'iyiti” namidiki organ béjirip kéliwatqan. B b s ning bügünki bu heqtiki xewiride bayan qilinishiche, yaponiyening mezkur orginining bir xadimi bu nam özgertishning teywenni étirap qilishni küchlendürüsh ikenlikini ashkarilighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.