«Тйәнәнмен қирғинчилиқи» хатирисидә уйғурлар дияридики хитай әмәлдарлирини җазалаш чақириқ қилинди

2019-06-04
Елхәт
Пикир
Share
Принт

Бу йил 4-июн күни 1989-йилидики «тйәнәнмен қирғинчилиқи» ниң 30 йиллиқ хатириси. Америка хәлқара диний етиқад әркинлики комитети бу мунасивәт билән мәхсус баянат елан қилип, америка һөкүмитини уйғурлар дияридики диний етиқад әркинликини дәпсәндә қилишта мәсулийити болған бир қисим хитай әмәлдарлириға җаза беришкә чақирди. Улар буниңда өзлириниң «йәршари магнетиски қануни» ни көздә тутуватқанлиқини алаһидә әскәртти.


4-Июн күни елан қилинған баянатта мәзкур комитетниң рәиси тензен дорҗи «бәхткә қарши1989-йили 4-июндики бу вәқә хитай һөкүмитиниң өз һөкүмранлиқидики милйонлиған кишиләрниң, җүмлидин диний етиқад билән шуғулланғучи кишиләрниң һәқ вә һоқуқлирини пайхан қилишта қилчә иккилинип қалмайдиғанлиқидин рошән бишарәт бәргән иди. Дәрвәқә бүгүн хитай һөкүмити милйонлиған уйғур мусулманлирини тутқун қилди. Ибадәтгаһ сүпитидә хизмәт қиливатқан мәсчитләр, черкавлар, тибәт бутханилириға таҗавуз характердики көзитиш үскүнилирини көпләп ортатти» дәп көрсәтти.
Баянатта мәзкур комитет 2019-йили елан қилған йиллиқ доклатта уйғурлар дияридики сиясий бастуруш вә диний зиянкәшлик паалийәтлиригә бивастә җавабкар болған бир түркүм хитай әмәлдарлирини, җүмлидин уйғурлар дияридики партийә секретари, хитай компартийәси мәркизий комитети сиясий бюросиниң әзаси чен чуәнгони «йәршари магнетиски қануни» бойичә җазалаш тәкливи бир қетим оттуриға қоюлғанлиқи, чен чуәнгониң болса тибәттики вақитлардила буддистларға зиянкәшлик қилишта көп ишларни қилғанлиқи алаһидә тәкитлиниду.


Баянатниң ахирида тензен дорҗи«бу хилдики қәбиһ қилмишларға һәмдә милйонлиған бигунаһ авамниң һәқлирини дәпсәндә қилиш қилмишлириға трамп һөкүмити қол қовуштуруп қарап турса болмайду. Һазир бу қилмишқа мәсул хитай әмәлдарлириға җаза қоллинишниң пәйти йетип кәлди,» дәп алаһидә көрситиду.

Пикирләр (0)
Share
Толуқ бәт