Tibet bayriqi xitay yashlar putbol komandisining gérmaniyediki dostluq musabiqisini bikar qildurdi

Gérmaniye putbol jem'iyiti 25‏-noyabir uyushturghan gérmaniye-xitay yash ösmürler musabiqiside tamashibinlarning tibet bayriqini chiqirip, xitaygha naraziliq bildürüshidin ensirep, shenbe künidiki pütün musabiqisini bikar qilghan.

Xitayning 20 yashtin töwen yash-ösmürler putbol komandisi yéqinda gérmaniyege ziyaretke kelgen. Ular gérmaniye yash -ösmürler kamandiliri bilen bir qanche meydan musabiqige orunlashturulghan idi.

Lékin birleshme agéntliqining xewer qilishiche, 18‏-noyabir küni xitay yash-ösmürler komandisi gérmaniye tsw yeni skot mayniz komandisi bilen oynighan musabiqide tamashinlar tibet bayriqini chiqarghan. Tibet bayriqidin bi'aram bolghan xitay komandisi musabiqini toxtitip meydandin chékinip chiqqan. Bu weqe xitay hökümitining inkasini qozghighan. Xitay tashqi ishlar ministirliqining bayanatchisi lu kang xitayning herqandaq shekildiki “Bölgünchilikke, xitaygha qarshi heriketlerge yaki térrorluqqa” qet'iy qarshi turidighanliqini bildürgen. Biraq gérmaniye putbol jem'iyitining re'isi réyinxart grindél tamashinbinlarning tibet bayriqini chiqirishini qoghdap, “Tamashibinlarning naraziliq bildürüsh hoquqi” barliqini tekitligen.

U mundaq dégen: “Xitay putbol jem'iyitige shu nerse chüshinishlik bolsunki, ular gérmaniyede musabiqe oynighanda herqandaq kishining öz pikrini ipadileydighanliqidin ibaret bu pakitni untup qalmisun”. Xitay komandisi 25‏-noyabir gérmaniyening gherbiy jenub musabiqe rayonidin fsw franfurt komandisi bilen musabiqige orunlashturulghan. Lékin gérmaniye putbol jem'iyiti musabiqige bir kün qalghanda bayanat élan qilip, musabiqining weziyet tüpeyli bikar qilin'ghanliqini élan qilghan. Gérmna'iye putbol jem'iyitining bildürüshiche, merkuz organ weziyetning jiddilishp kétishidek ehwalni közde tutup, xitay komandisi bilen oynaydighan barliq musabiqilerni bikar qilghan iken.