Bir tibetlik dunyani wélisipitlik aylinip tibet dewasi qildi

Muxbirimiz jüme
2013-11-30
Élxet
Pikir
Share
Print


Bir tibetlik xitay hökümiti tibetlerge qaratqan basturush siyasitige qarita dunya jama'etchilikining tonushini östürüsh meqsitide yawropa we asiyani wélisipitlik aylinip, shenbe küni daramsaladiki tibet sergerdan hökümitining bash shtabigha keldi.

Mezkur rayondiki nurghunlighan kishi qollirigha gül we tibet bayriqini kötürüshüp, bu yil 42 yashqa kirgen rinpo yak isimliki bu tibet pa'aliyetchini kütüwaldi.

U bu yil marttin bashlap yawropadiki 14 döletni wélisipitlik aylinip, xitayning tibette yürgüzüwatqan qattiq qol siyasitini anglatqan idi. U, bu qétimliq sepiride jem'iy 8 ming kilométir yolni wélisipitlik yürüp tibet dewasini qildi.

Rinpo yak amérikida yashaydighan bolup, 2000- yilidin buyan amérikining herqaysi shtatlirini aylinip tibet mesilisini tonushturmaqta.

Toluq bet