Tibet qozghilingining 59 yilliqi xatirilendi

Muxbirimiz ümidwar
2018-03-11
Élxet
Pikir
Share
Print

Tibetler 1959-yilidiki tibet xelqining xitay kompartiye hakimiyitige qarshi qozghilingining 59 yilliqini xatirilep, bir qisim döletlerde namayish we yighilish pa'aliyetlirini ötküzgen. Radiyomiz xitay bölümining xewer qilishiche, shenbe küni 200 din artuq tibetlik we teywenlik teywen paytexti teybéyda yighilish pa'aliyiti ötküzüp, 1959-yili xitay armiyisining tibetlerge élip barghan qoralliq basturushi we béyjing hökümitining dawamlashturuwatqan tibetlerning kishilik hoquqi, dini étiqad erkiliki we bashqilargha qaratqan basturush siyasitini eyibligen, tibet pa'aliyetchiliri 1959-yili, 3-ayning 10-küni lxasadiki nechche ming tibetlik xitay kompartiyisining tibetni bésiwalghanliqigha naraziliq bildürgenliki üchün qanliq basturushqa uchrighanliqini eyibligen. Teybéydiki tibetlik namayishchilar öz bayanlirida xitay kompartiyisining tibetlernila emes, belki Uyghurlarnimu teqiblewatqanliqini eslitishken. Teybéydiki namayishni hakimiyettiki démokratik ilgharliq partiyesi da'iriliri qollash pozitsiyisini bildürgen.

Buningdin bashqa yene ötken jüme küni hindistan paytexti déhlidiki xitay bash elchixanisi aldida bir qisim tibetlikler naraziliq namayishi ötküzgen. Biraq bu namayish hindistan saqchiliri teripidin tosqunluqqa uchrighan, tibetlik namayishchilar "Tibet erkinliki yashisun!", "Xitay kompartiyisi tibettiki basturushni toxtat" dégendek sho'arlarni towlighan.

Népal hökümitimu tibetliklerning her xil shekildiki namayish pa'aliyetlirini ötküzüshni chekligen.

Ene shu 1959-yili, tibetlerning qozghilingi basturulghanda dalay lama hindistan'gha qéchip kétip, u yerde sürgündiki tibet hökümitini qurghan idi.

Toluq bet