Tibette yene bir rahib özini köydürüp qarshiliq bildürgen

Muxbirimiz jüme
2016-03-02
Share


Radiyomizning charshenbe küni xewer qilishiche, tibette yene bir rahib özini köydürüp qarshiliq bildürgen.

Xewerge qarighanda, düshenbe küni chüshtin kéyin kalsang wangdu isimlik tibet rahib sichüen ölkisi kardze tibet aptonom oblastigha jaylashqan retsoha ibadetxanisi yénida özige ot qoyghan.

Melum bolushiche, bu yilgha tewe tunji özini köydürüp naraziliq bildürgenliki xewer qilin'ghan mezkur rahib küyüsh jeryanida "Tibetlerge musteqilliq" dep sho'ar towlighan, u doxturxanigha élip bérilish jeryanida qaza qilghan.

Tibetler 2009 - yilidin bashlap xitayning tibet siyasitige özini köydürüsh shekilde naraziliq bildürüshke bashlighan. Shundin buyan 144 tibetlik özini köydürgen.

Ötken yili noyabir kardze aptonom oblastidiki bir tibet rahibemu özini köydürgen. Umu "Tibetlerge erkinlik", "Dalay lamaning tibetke qaytishigha yol bérilsun" dep sho'ar towlighan. Uning kéyin köyük yarisida ölüp ketkenliki ilgiri sürülgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.