Йеңи бир нөвәтлик тибәт сәргәрдан һөкүмити тәшкилләнди
2016.05.31
“вакаләтсиз дөләтләр вә хәлқләр тәшкилати” ниң тор бетидики учурлардин мәлум болушичә, һиндистанниң дарамсала шәһиридики тибәт сәргәрдан һөкүмити 27-май күни тибәтләрниң мәниви даһийси далай ламаниң риясәтчиликидә вәзипигә тәйинләш мурасими өткүзди. Мурасимда лобсаң сангай қәсәм берип йәнә бир қетим тибәт сәргәрдан һөкүмитиниң баш министири болди.
Мурасимда лобсаң сөз қилип өзиниң бәш йиллиқ вәзипә өтәш муддити мәзгилидә пүтүн зеһнини тибәтниң йүксәк аптономийиси үчүн сәрп қилидиғанлиқини җакарлиди, шуниң билән биргә, әгәр бу мәзгилдә көзләнгән нишанға йетәлмисә кейинки әллик йиллиқ пилан үчүн истратегийә түзүп чиқидиғанлиқини билдүрди. У бу һәқтә тохтилип, “мән иттипақлиқ мәвқәсидә чиң турған һалда тибәт районида ялқунҗаватқан вәтәнпәрвәрлик һәрикәтлири үчүн өзүмниң чәксиз миннәтдарлиқимни билдүримән” дегән.
Хитай һөкүмәт таратқулири бирнәччә ай бурунла баянат елан қилип мәзкур сәргәрдан һөкүмәтни етирап қилмайдиғанлиқини билдүргән иди.
Көп көрүлгән хәвәрләр
RFA
- Әнглийәлик ютубер көргән тақақлиқ мәсчитләр вә роза тутуш чәкләнгән уйғурлар вәзийити диққәт қозғиди
- Хитайға қайтурулған уйғурларни “йоқлаш” қа маңған тайланд вәкилләр өмики агаһландурулди
- Мутәхәссисләр:“хитайға хушхәвәр болған ишлар уйғурлар үчүн шум хәвәрдур”
- “шинҗаң вәкиллири” “дөләт ортақ тил-йезиқи қануни” ға өзгәртиш киргүзмәкчи
- Ақсуда розидарларниң розисини бузуш яки роза тутушқа имкан қоймаслиқ үчүн аһалиләр мәҗбурий әмгәккә селинған