Yéngi bir nöwetlik tibet sergerdan hökümiti teshkillendi

“Wakaletsiz döletler we xelqler teshkilati” ning tor bétidiki uchurlardin melum bolushiche, hindistanning daramsala shehiridiki tibet sergerdan hökümiti 27-may küni tibetlerning meniwi dahiysi dalay lamaning riyasetchilikide wezipige teyinlesh murasimi ötküzdi. Murasimda lobsang san'gay qesem bérip yene bir qétim tibet sergerdan hökümitining bash ministiri boldi.

Murasimda lobsang söz qilip özining besh yilliq wezipe ötesh mudditi mezgilide pütün zéhnini tibetning yüksek aptonomiyisi üchün serp qilidighanliqini jakarlidi, shuning bilen birge, eger bu mezgilde közlen'gen nishan'gha yételmise kéyinki ellik yilliq pilan üchün istratégiye tüzüp chiqidighanliqini bildürdi. U bu heqte toxtilip, “Men ittipaqliq mewqeside ching turghan halda tibet rayonida yalqunjawatqan wetenperwerlik heriketliri üchün özümning cheksiz minnetdarliqimni bildürimen” dégen.

Xitay hökümet taratquliri birnechche ay burunla bayanat élan qilip mezkur sergerdan hökümetni étirap qilmaydighanliqini bildürgen idi.