Xitay hökümiti emeldari tibette diniy kontrolni yenimu kücheytishni tekitligen

Muxbirimiz irade
2016-12-29
Share

Xitay hökümitining tibet buddistlirigha qiliwatqan bésimi xelq'arada qattiq tenqidke uchrawatqan bir shara'itta, tibet aptonom rayon da'iriliri din'gha qaratqan kontrolni yenimu kücheytishni tekitligen.

Roytérs agéntliqining xewiridin qarighanda, tibet aptonom rayonining partkom sékrétari wu yingjé peyshenbe küni qilghan bir sözide "Kompartiyining tibettiki din'gha qaratqan kontrolini kücheytishke boliduki, ajizlashturushqa bolmaydu" dégen.

U sözide yene, tibetlerning rohaniy dahiysi dalay lamani "Yaman gherezlikler" dep eyiblep "Tibettiki din'gha ishen'güchiler choqum dalay lamadin chek-chégrani éniq ayrip, ittipaqliq we muqimliqning bölgünchilik we qalaymiqanchiliqtin elaliqini tonup yétishi kérek" dégen.

Téxi mushu ayning béshida sichüen ölkisining aba tibet aptonom oblastliq ottura soti 10 neper tibet rahibini oxshimighan siyasiy jinayetler bilen eyiblep, 5 yildin 14 yilghiche qamaq jazalirigha höküm qilghan. Idi. Radiyomiz igiligen uchurlar we tibet teshkilatlirining bayanatlirida bu rahiblarning dalay lamaning 80 yashqa kirgen tughulghan künini xatiriligenliki üchün tutqun qilin'ghanliqi otturigha chiqqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet