Америкада бир оқуғучи тик ток ни әйибләп сот мәһкимисигә әрз қилди

Мухбиримиз әркин
2020-07-13
Елхәт
Пикир
Share
Принт

Американиң калифорнийә штатида бир оқуғучи хитайниң видийо һәмбәһирләш юмтали-тиктокни (Tik Tok) абонтларниң шәхсий учурини қанунсиз топлаш вә хитайға йоллаш билән әйибләп сот мәһкимисигә әрз қилған. Ройтерс агентлиқиниң билдүрүшичә, бу әрз америкада тикток тоғрисидики қануний ихтилапни күчәйтиши мумкин икән. Тикток хитайниң бейҗиң шәһиридики «зиҗйе тявдоң технологийә ширкити» ниң игидарчилиқида болуп, бу ширкәт аллиқачан америка һөкүмитиниң дөләт бихәтәрлик тәкшүрүшигә дуч кәлгән.

Америка һөкүмити тиктокниң абонтларниң учурини топлаш, сәзгүр сиясий мәзмунларни чәклишигә қарита тәкшүрүш башлиған. «Зиҗйе тявдоң ширкити» йәнә хитай һөкүмитиниң уйғур диярида дигитал назарәт системиси қуруп, уйғурларни тәқиблишигә ярдәм бериш билән әйиблинип кәлгән. Ройтерс агентлиқиниң билдүрүшичә, шималий калифорнийә районлуқ федератсийә сот мәһкимисигә сунулған әрздә, тикток «абонтларниң зор миқдардики шәхсий учурини оғрилиқчә топлап, хитайдики мулазимәт торлириға йоллаш» билән әйибләнгән.

Бу әрзни мисти хоң исимлик бир қиз оқуғучи сунған болуп, у өзиниң 2019-йили тикток юмталини йүклигәнлики, лекин рәсмий абонт болмиғанлиқи, бирақ униң хәвирисиз тиктокниң униңға һесаб ечип, униң елан қилмиған шәхсий учур вә видейолирини тарқатқанлиқини билдүргән.

Әрздә илгири сүрүлүшичә, тикток қиз оқуғучиниң учурини хитайдики «Bugly.qq.com» Вә «umeng.com» Намлиқ икки торға йоллап бәргән. «Буглй» билән «умәң» хитайниң «теңшүн» вә «алибаба» ширкәтлириниң игидарчилиқида болуп, хитайниң атақлиқ иҗтимаий алақә юмтали үндидарму хитайға қарайду. Үндидар юмтал хитайниң 2017-йили башланған чоң тутқунида 3 милйондәк уйғурниң лагерларға қамилиши вә қамаққа һөкүм қилинишида һалқилиқ рол ойниғаниди.

Пикирләр (0)
Share
Толуқ бәт