«Тик-ток» уйғур мәсилисидә тәнқидий пикирләрни чәкләп, хитай һөкүмитиниң тәшвиқатини тарқитип кәлгән

Мухбиримиз әркин
2020-09-14
Елхәт
Пикир
Share
Принт

Австралийә истратетигийә сиясәт институтиниң 14-сентәбир елан қилған доклатида хитай иҗтимаий алақә юмтали «тик-ток» ниң уйғур кишилик һоқуқ кризисиға даир учурларни тазилап, хитай һөкүмитиниң уйғур дияри һәққидики иҗабий хәвәрлирини тарқитип кәлгәнликини илгири сүрди.

Доклаттә тәкитлинишичә, «тик-ток» уйғур дияриға даир учурлирида хитайниң уйғурларни бастурушиға қарши тәнқидләрни тазилаш билән биргә абунтлириға уйғур дияридики һаят иҗабий сүрәтләңән «сиясий җәһәттә мувапиқ» мәзмунларни сунуп кәлгән.

Доклатта «тик-ток» ниң уйғур дияридики кишилик һоқуқ кризисини дуняниң һәр қайси җайлиридики абунтлириға хитай һөкүмитиниң мәйданида туруп қандақ тонуштуруватқанлиқи йорутуп берилгән. Доклатта тәкитлишичә, «тик-ток» ниң «шинҗаң хәштег» намидики алдинқи 20 видейосиниң пәқәт биридә хитай компартийәси тәнқид қилинған икән. Доклатта уйғур кризиси фейсбук, тивиттер қатарлиқ иҗтимаий алақә супилирида кәң муназирә қилинсиму, лекин «тик-ток» тики учурларниң бу хил муназириләрдин халий икәнлики тәкитләнгән.

Доклатта қәйт қилинишичә, австралийә истратегийә сиясәт институтидики тәтқиқатчилар «тик-ток» ниң «шинҗаң һәштег» идики 444 видейони анализ қилип, бу видейоларниң пәқәт 5. 6 Пирсәнтидә хитайниң уйғурларни бастуруши тәнқид қилинғанлиқини байқиған. Доклатта уларниң ичидики алдинқи 100 видейониң йеримини хитай компартийәсиниң шинҗаң һәққидики тәшвиқати игиләйдиғанлиқи, бу видейоларда уйғур дияриниң наһайити көңүллүк җай дәп сүрәтләңәнлики илгири сүрүлгән.

Пикирләр (0)
Share
Толуқ бәт