"Tik-tok" Uyghur mesiliside tenqidiy pikirlerni cheklep, xitay hökümitining teshwiqatini tarqitip kelgen

Muxbirimiz erkin
2020-09-14
Élxet
Pikir
Share
Print

Awstraliye istratétigiye siyaset institutining 14-séntebir élan qilghan doklatida xitay ijtima'iy alaqe yumtali "Tik-tok" ning Uyghur kishilik hoquq krizisigha da'ir uchurlarni tazilap, xitay hökümitining Uyghur diyari heqqidiki ijabiy xewerlirini tarqitip kelgenlikini ilgiri sürdi.

Doklatte tekitlinishiche, "Tik-tok" Uyghur diyarigha da'ir uchurlirida xitayning Uyghurlarni basturushigha qarshi tenqidlerni tazilash bilen birge abuntlirigha Uyghur diyaridiki hayat ijabiy süretlengen "Siyasiy jehette muwapiq" mezmunlarni sunup kelgen.

Doklatta "Tik-tok" ning Uyghur diyaridiki kishilik hoquq krizisini dunyaning her qaysi jayliridiki abuntlirigha xitay hökümitining meydanida turup qandaq tonushturuwatqanliqi yorutup bérilgen. Doklatta tekitlishiche, "Tik-tok" ning "Shinjang xeshtég" namidiki aldinqi 20 widéyosining peqet biride xitay kompartiyesi tenqid qilin'ghan iken. Doklatta Uyghur krizisi féysbuk, tiwittér qatarliq ijtima'iy alaqe supilirida keng munazire qilinsimu, lékin "Tik-tok" tiki uchurlarning bu xil munazirilerdin xaliy ikenliki tekitlen'gen.

Doklatta qeyt qilinishiche, awstraliye istratégiye siyaset institutidiki tetqiqatchilar "Tik-tok" ning "Shinjang heshtég" idiki 444 widéyoni analiz qilip, bu widéyolarning peqet 5. 6 Pirsentide xitayning Uyghurlarni basturushi tenqid qilin'ghanliqini bayqighan. Doklatta ularning ichidiki aldinqi 100 widéyoning yérimini xitay kompartiyesining shinjang heqqidiki teshwiqati igileydighanliqi, bu widéyolarda Uyghur diyarining nahayiti köngüllük jay dep süretlengenliki ilgiri sürülgen.

Toluq bet