Тик-токниң хитайдики баш ширкити байтдәнс америкалиқ журналистларни мәхпий көзәткән

Вашингтондин мухбиримиз ирадә тәйярлиди
2024.03.14

Тик-ток әп деталиниң хитайдики баш ширкити болған байтдәнс (ByteDance) америка форбис журнилиниң мухбирлирини тәқиблигән.

“форбес” журнилиниң хәвиридә дейилишичә, байтдәнс ширкити “форбис” журнилиниң бир қанчә мухбирини тәқиб қилип, уларниң IP адреси вә абонт мәлуматлириға рухсәтсиз еришкән һәм уларниң турушлуқ орнини ениқлиған. Илгири “базфид” журнилидиму ишлигән бу 3 мухбир илгири тик ток әп деталиниң баш ширкити байтдәнсниң хитай һөкүмити билән болған мунасивитини ашкарилайдиған хәвәрләрни ишлигән болуп, байтдәнс уларни тәқибләш арқилиқ бу мухбирларниң ширкәт ичидики алақә мәнбәлирини тепип чиқишқа урунған.

“форбес” журнили өткән йил өктәбирдә, байтдәсниң америкалиқ абонтларни тәқибләш һәрикити вә униң хитай һөкүмити билән болған мунасивити һәққидә кәң даирилик тәкшүрүш доклати елан қилған икән. Әйни чағда байтдәнс вә тик-ток ширкәтлири баянатида “ширкәт әзәлдин америка һөкүмитиниң һәр қандақ әзаси, паалийәтчиләр вә җамаәт әрбаблирини тәқиблимигән” дегән. Һалбуки, “форбес” ниң байтдәнс ширкитидики хизмәтчиләрниң өзара йезишқан хәтлиридин байқишичә, байтдәнс әмәлийәттә көп қетим америкалиқ абонтларни тәқибләп, уларниң учурлириға еришкән икән.

Бу, тик-ток ширкити әмәлдариниң “хитайдики баш ширкәт америкалиқ абонтларниң санлиқ мәлуматлириға еришәлмәйду” дегән сөзиниң пут тирәп туралмайдиғанлиқини көрситип беридикән.

“форбес” журнилиниң тәһрират директорлири юқиридики вәқәгә инкас қайтуруп, “бу әркин ахбарат идийәси вә униң демократийәдики һалқилиқ ролиға қилинған биваситә һуҗум” дегән. У йәнә сөзидә байтдәнс ширкитиниң буниңға бир җаваб бериши лазимлиқини әскәртип “бу уларниң тик-ток абонтлиридин топлиған учурлар билән немә қиливатқанлиқи тоғрисида негизлик соалларни пәйда қилиду” дәп агаһландурған.

Америкалиқ сиясәтчиләр тик-токниң америкалиқларниң хусусий бихәтәрлики вә дөләт бихәтәрликигә еғир тәһдит пәйда қиливатқанлиқини нәзәрдә тутуп, уни чәкләш үчүн һәрикәткә өткән иди. 13-Март күни америка авам палатаси тик-токни байтдәнс ширкитидин айрилип чиқишқа мәҗбурлайдиған, ундақ болмиған тәқдирдә уни пүтүнләй чәкләйдиған қанун лайиһәсини мутләқ көп аваз билән мақуллиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.