Bu yilning deslepki 3 peslide Uyghur élidin xitaygha yollan'ghan tok miqtari 22 pirsenttin artuq ashqan

Muxbirimiz erkin
2021-10-04
Share

Xitayning ichkiy ‍ölkiliri keng kölemlik éliktir toki krizizisige duch kelgen bir waqitta, Uyghur élidin xitay ölkilirige yollan'ghan tok miqtari shiddet bilen artqan.

"Shinjang géziti" ning ashkarilishiche, bu yilning deslepki 3 peslide Uyghur élidin xitay ‍ölkilirige yollan'ghan tok miqtari 93 milyart 500 milyon kilowat sa'etke yétip, ötken yilning ‍oxshash mezgilidikidin 22. 4 Pirsent artqan. Melum bolushiche, bu pütün xitay miqyasidiki bir milyart 400 milyon kishining turmushini bir ayliq tok bilen teminleshke yétidiken.

Közetküchilerning éytishiche, Uyghur élidiki éliktir istansilirining mutleq köp qismi kömürge tayinidighan bolup, xitay dunyagha zeherlik karbun gazini kontrol qilish toghrisida wede bergen bolsimu, biraq ötken yili Uyghur élidiki kömür éliktir istansisilirining kölimi dawamliq kéngeygen. Bu ehwal yéqinda b d t da söz qilip, dunyagha zeherlik karbon gazini kontrol qilidighanliqini élan qilghan xitay rehbiri shi jinpingning wedisige su'al peyda qilghan. Kishilik hoquqni közitish teshkilati shi jinpingning aldi bilen dölet ichidiki kömür éliktir istansisilirini cheklishini telep qilghan.

Shinjang éliktir soda cheklik shirkiti xadimlirining "Shinjang géziti" ge ashkarilishiche, 93 milyart 500 milyon kilowat sa'et tok ishlepchiqirish üchün 28 milyon 500 ming tonna ‍ölchemlik kömür köydürülidiken. Buning qanchilik zeherlik karbonni hawagha qoyup béridighanliqi melum emes. Melum bolushiche, 4-öktebir élan qilin'ghan Uyghur élining shu künidiki hawa süpiti körsetküchide xoten, qeshqer, qizilsu qatarliq 3 rayonning hawa süpiti xeterlik, ghuljaning hawa süpiti intayin saghlam emes, dep körsitilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet