Ürümchi tömür yol idarisi 2017-yilliq chaghan mezgilide 3 milyun 800 ming yoluchi toshuydighanliqini mölcherligen

Muxbirimiz qutlan
2016-12-24
Share


Ürümchi tömür yol idarisi 2017-yilliq chaghan mezgilide Uyghur élidin üch milyon 800 ming yoluchi toshuydighanliqini mölcherlimektiken. Buni bulturqi oxshash waqitqa sélishturghanda köpiyish nisbiti 20 pirsentke yéqinlishidiken.

Xelq torining bu heqtiki xewirige qarighanda, ürümchi tömür yol idarisining chaghan mezgilide Uyghur élidin xitay ölkilirige we Uyghur aptonom rayonining ichkiy qismida yoluchi toshush xizmiti 1-ayning 13-künidin bashlinip, 2-ayning 21-küni axirlishidiken.

Yoluchi toshush jem'iy 40 kün dawamlishidighan bolup, künige texminen 95 ming yoluchi toshush mölcherlenmektiken. Buning ichide Uyghur aptonom rayonidin xitay ölkilirige toshuludighan yoluchi 850 ming, Uyghur aptonom rayoni da'irisi ichidiki yoluchi ikki milyon 950 minggha yétidiken.

Igilinishiche, her yili chaghanning aldi-keynidiki waqit Uyghur diyaridiki tömüryol qatnishida éghir bésim peyda bolidighan mezgil iken. Uyghur diyarigha pul tapqili chiqqan xitay ishlemchiliri bilen chaghan ötküzgili xitay ölkilirige qarap yolgha chiqqan xitay yoluchilar tömüryol qatnishigha jiddiy bésim élip kélidiken.

Közetküchiler, xitay tömüryol idarisi élan qilghan 3 milyun 800 ming yoluchining Uyghur diyarigha nisbeten az san emeslikini, xitay hökümitining yéqinqi yillardin buyan zor kölemdiki xitay ahalisini Uyghur diyarigha olturaqlashturup, bostanliq kölimi intayin kichik bolghan bu zéminda eslidiki yerlik ahalilarni ikkilemchi orun'gha chüshürüp qoyghanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet