Uyghur rayonida xitayning tor bixeterlikige xilap 14 türlük “Qanunsiz qilmish” élan qilin'ghan
Xewerde körsitilishiche, bu qilmishlar j x orunlirigha melum qilin'ghan yaki tor saqchiliri teripidin tekshürüp tépilghan qilmishlar bolup, uning ichide “Milliy öchmenlikke qutratquchilar, milletler ittipaqliqini buzghuchilar”, “Esebiylikni terghip qilghuchilar”, “Ösek geplerni peyda qilghuchilar”, torda qimar oynighuchilar we aldamchiliq qilghuchilar, shehwaniy uchurlarni tartqatquchilar asasiy salmaqni igileydiken.
-
Ixtiyariy muxbirimiz jewlan
2021-05-14 -
-
-
Xitay taratqulirining melumatlirigha qarighanda, yéqinda Uyghur aptonom rayonluq tor ishxanisi we j x nazariti birliship, 14 türlük “Qanunsiz qilmish” weqelirini élan qilghan.
Xewerde körsitilishiche, bu qilmishlar j x orunlirigha melum qilin'ghan yaki tor saqchiliri teripidin tekshürüp tépilghan qilmishlar bolup, uning ichide “Milliy öchmenlikke qutratquchilar, milletler ittipaqliqini buzghuchilar”, “Esebiylikni terghip qilghuchilar”, “Ösek geplerni peyda qilghuchilar”, torda qimar oynighuchilar we aldamchiliq qilghuchilar, shehwaniy uchurlarni tartqatquchilar asasiy salmaqni igileydiken.
Uningdin bashqa, “Sebiy yürek”, “Aqsa shahzade”, “Nur” qatarliq 43 kyu kyu hésabi, “Shash kino” qatarliq 40 kino-élan hésabi, “Janim8”, “Mehliya Tv” qatarliq 11 wichat (ündidar) hésabi “Qanunsiz uchur tarqatti” dep taqalghan.
Közetküchilerning qarishiche, xitay da'iriliri Uyghur rayonidiki uchurlarni qattiq qamal qilghandin bashqa, bu rayondiki cheklik tor muhitida tarqilip yürgen uchur-alaqe mezmunlirinimu nazaret qiliwatqan bolup, asasiy éqimgha muxalip her qandaq pikirning tarqilishini cheklesh bilenla qalmay, “Esebiylik, buzghunchiliq, ösek gepler” ning ölchimini xalighanche békitip, adem tutushqa bahane izdewatqan bolushimu mumkin iken.