Uyghur aptonom rayonida tor qanunigha “Xilapliq qilghan” 14 délo bir terep qilin'ghan

Muxbirimiz erkin
2020-06-15
Share

Yéqinda Uyghur aptonom rayonluq tor uchur bashqurush ishxanisi bilen jama'et xewpsizlik nazariti tor uchur qanunigha “Xilapliq qilghan” 14 déloni bir terep qilghan.

Bu 14 déloning ikkisi torda korona wirusi yuqumi we aqtu nahiyesining qamal qilin'ghanliqi heqqide uchur tarqatqanliqi seweblik jazalan'ghan. Bu mezkur rayonda tor uchur qanunigha xilapliq qilish bilen eyiblinip bir terep qilin'ghan 27-türkümdiki 14 délodur. Bu 14 délo bu yil 3-ayning beshidin 5-ayning otturilirighiche bolghan 2 yérim ay jeryanida aqsu, sanji, qeshqer, ürümchi qatarliq jaylarda sadir bolghan iken.

“Tengritagh” torining 14-iyun ashkarilishiche, délo sadir qilghuchilarning biri qeshqer shehiride turushluq bir xitay puqrasi bolup, u bu yil 3-ayning 29-küni ijtima'iy alaqe topida “Aqtu nahiyesidiki dukandarlar dukan achalmaydu, aqtu nahiyisi qamal qilinidighan boldi” dep uchur tarqatqan. Yene biri sanjida turushluq xitay bolup, u bu yil 3-ayning 28-küni “Qumulda bir neper korona wirusi yuqumdari bayqaldi” dep uchur tarqatqan iken. Xitay da'iriliri eyni waqitta Uyghur rayonidiki korona wirusi yuqum ehwalini qattiq kontrol qilip, kishilerning buninggha da'ir uchurlarni tarqitishini qattiq chekligen idi.

“Tengritagh” torining tekitlishiche, bu qétim jazalan'ghan qalghan délolar torda qoymichiliq qilish, qimar oynash, sériq resim chaplash qatarliq qilmishlargha alaqidar iken. Xewerde bu kishilerning bezilirige memuriy tutup turush jazasi bérilgenliki, lékin qumulda korona wirusi yuqumdarining bayqalghanliqi, aqtu nahiyesining qamal qilin'ghanliqi heqqide uchur tarqatqan xitaylargha tenqidlesh terbiyesi bérilgenlikini bildürgen. Emma konkrét qandaq tenqidlesh terbiyesi bérilgenlikini tilgha almighan. Melum bolushiche, yuqiriqi 14 kishining 5 nepiri Uyghur, bir nepiri shibe iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet