Xitay hökümiti xitaylar bilen Uyghurlarning öz-ara toylishishini küchep teshwiq qilmaqta

Muxbirimiz sada
2019-04-24
Élxet
Pikir
Share
Print

Xitay hökümiti yéqindin Uyghur rayonida milletler ara toylishish teshebbusini bazargha sélip, xitay erlerning Uyghur qizliri bilen nikahlinishini küchep teshwiq qilishqa bashlighan.

Aldinqi künlerde ijtima'iy taratqularda xitaylar bilen Uyghurlarning öz-ara toylishish heqqidiki bir teshwiqat sin filimi tarqalghan idi. Mezkur sin körünüshte Uyghur diyarining ezeldin milletler ariliship yashap kelgen bir jay ikenliki, nurghun güzel hem layaqetlik Uyghur qizlirining özini "Saranglarche" yaxshi köridighan xitay erlerge yatliq bolushni xalaydighanliqini teshwiq qilin'ghan.

Sin körünüshte yene rayonda oxshimighan milletler öz-ara toylashsa bolmaydighanliq heqqide héchqandaq bir cheklimining yoqluqi, köpligen Uyghur qizlirining xitay tili we medeniyitidin toluq xewerdar ikenliki alahide tekitlen'gen.

Mezkur sin körünüsh tarqalghandin kéyin köpligen inkaslarni peyda qilghan. Awstraliye latrobi uniwérsitétining proféssori jeymis léybold inkas bildürüp, dunyadiki bashqa jaylargha qarighanda Uyghur rayonida oxshimighan milletler ara toylishishning intayin sezgür hem kem uchraydighan bir ehwal ikenlikini ilgiri sürgen.

Uyghur diyaridiki jaza lagérlirigha solan'ghan milyonlighan tutqunlar ichide Uyghur erlerning yuqiri salmaqni igileydighanliqi ilgiri sürülüwatqan bir peytte xitay hökümitining bu xil teshwiqatni kücheytishi chet'ellerdiki közetküchilerning diqqitini qozghimaqta. Ular buni xitayning Uyghurlarni nopus jehettin tizginlishi we ularni pütünley xitaychilashturushtiki bir taktikisi dep hésablimaqta.

Toluq bet