Prézidént tramp we prézidént putin: "Élba deryasidiki uchrishish ixtilaplarni qayrip qoyushning timsali"

Muxbirimiz erkin
2020-04-27
Élxet
Pikir
Share
Print

Amérika prézidénti donald tramp bilen rusiye prézidénti wladimir putin 25-aprél birleshme bayanat élan qilip, 1945-yili amérika-sowét armiyelirining gérmaniyening élba deryasi boyida uchrashqanliqining 75 yilliqini xatirilidi.

Birleshme bayanatta "Bu weqe natsistlar hakimiyitining üzül-késil meghlubiyitini namayan qilghanliqi" tekitlen'gen. Bu prézidént tramp wezipige olturghandin buyan uning rusiye bilen tunji qétim bu xil birleshme bayanat élan qilishidur.

Mezkur bayanat xitayda partlighan korona wirusi dunyawi yuqumgha aylinip, xitayning bu yuqumdiki jawabkarliqini sürüshtürüsh telep qiliniwatqan mezgilde élan qilindi. Bayanatta mundaq déyilgen: "Élba rohi döletlirimizning ixtilaplarni bir chetke qayrip qoyup, öz ara ishench turghuzush we chong ishlarda hemkarlishishning bir timsali. Biz bügün 21-esirdiki eng chong xirislargha taqabil turushqa tirishiwatqanda fashizimni meghlup qilish üchün birlikte küresh qilghanlarning baturluqi we jasaritige hörmet bildürimiz. Ularning qehrimanliq jasariti menggü untulmaydu."

Amerika-rusiye munasiwetliri yéqinqi yillarda rusiyening qirimni özige qoshuwélishi, ukra'inaning sherqidiki rus bölgünchi küchlirini qollishi, amérika saylimigha arilishishi qatarliq sewebler tüpeyli soghuq urushi axirlashqan yéqinqi 30 yildin buyanqi eng töwen nuqtigha chüshüp qalghan bolsimu, lékin korona wirusi yuqumi seweblik ikki terep munasiwiti yéqinqi bir qanche hepte ichide qayta isishqa bashlighan idi.

Toluq bet