Америка президенти трамп твиттер арқилиқ хоңкоңдики намайишларға ипадә билдүрди

Мухбиримиз ирадә
2019-08-15
Елхәт
Пикир
Share
Принт

Хоңкоңда барғансери юқири пәллигә чиқиватқан демократийә намайиши вә униң қандақ нәтиҗилинидиғанлиқи пүтүн дуня диққәт қиливатқан муһим мәсилигә айланди.

Америка президенти доналд трамп 14-авғуст күни кәчтә твиттерда хоңкоң мәсилиси һәққидә тохтилип «мән хитай рәис ши җинпиңниң хоңкоң мәсилисини қисқа вақит ичидә инсаний йоллар арқилиқ һәл қилидиғанлиқиға ишинимән,» дегән. 

Һалбуки, хитай һөкүмитиниң сақчилар арқилиқ намайишчи аммиға зораванлиқ қилиши дунядики һәр саһә кишилириниң вә тәшкилатлириниң җиддий диққитини қозғимақта. 

Йәнә бир яқтин, хитай дөләт ишлири кабинетиниң хоңкоң-макав ишханиси 12‏-авғуст күни баянат елан қилип, намайишчиларниң һәрикитиниң «еғир зораванлиқ җинайити шәкилләндүрүш» кә вә «террорлуқниң баш көтүрүш» кә башлиғанлиқини билдүрүши көзәткүчиләрдә хитай һөкүмити террорлуқни баһанә қилип, хоңкоңдики демократик һәрикәтләрни бастурмақчиму, дегән әндишиләрни пәйда қилған иди. 

Америка президенти трамп болса 15-авғуст күни твиттерда йәнә сөз қилип, «ши җинпиң әгәр хоңкоңлуқ намайишчилар билән биваситә көрүшкән тәқдирдә хоңкоң мәсилиси наһайити хушаллинарлиқ аяғлашқан болатти» деди. 

Лекин «вашингтон почтиси» гезитидә елан қилинған бу һәқтики бир хәвәрдә ейтилишичә, чәтәлләрдики нурғун вәзийәт анализчилири хитай һөкүмитиниң ахири берип хоңкоңдики намайишларни һәрбийчә услубта бастуруши мумкинликини еһтималға йеқин, дәп қаримақтикән.

Пикирләр (0)
Share
Толуқ бәт