Amérika prézidénti tramp twittér arqiliq xongkongdiki namayishlargha ipade bildürdi

Muxbirimiz irade
2019-08-15
Élxet
Pikir
Share
Print

Xongkongda barghanséri yuqiri pellige chiqiwatqan démokratiye namayishi we uning qandaq netijilinidighanliqi pütün dunya diqqet qiliwatqan muhim mesilige aylandi.

Amérika prézidénti donald tramp 14-awghust küni kechte twittérda xongkong mesilisi heqqide toxtilip "Men xitay re'is shi jinpingning xongkong mesilisini qisqa waqit ichide insaniy yollar arqiliq hel qilidighanliqigha ishinimen," dégen. 

Halbuki, xitay hökümitining saqchilar arqiliq namayishchi ammigha zorawanliq qilishi dunyadiki her sahe kishilirining we teshkilatlirining jiddiy diqqitini qozghimaqta. 

Yene bir yaqtin, xitay dölet ishliri kabinétining xongkong-makaw ishxanisi 12‏-awghust küni bayanat élan qilip, namayishchilarning herikitining "Éghir zorawanliq jinayiti shekillendürüsh" ke we "Térrorluqning bash kötürüsh" ke bashlighanliqini bildürüshi közetküchilerde xitay hökümiti térrorluqni bahane qilip, xongkongdiki démokratik heriketlerni basturmaqchimu, dégen endishilerni peyda qilghan idi. 

Amérika prézidénti tramp bolsa 15-awghust küni twittérda yene söz qilip, "Shi jinping eger xongkongluq namayishchilar bilen biwasite körüshken teqdirde xongkong mesilisi nahayiti xushallinarliq ayaghlashqan bolatti" dédi. 

Lékin "Washin'gton pochtisi" gézitide élan qilin'ghan bu heqtiki bir xewerde éytilishiche, chet'ellerdiki nurghun weziyet analizchiliri xitay hökümitining axiri bérip xongkongdiki namayishlarni herbiyche uslubta basturushi mumkinlikini éhtimalgha yéqin, dep qarimaqtiken.

Toluq bet