Президент трампниң ахирқи 10 һәптидә уйғурларға алақидар техиму җидди қарарларни алидиғанлиқи илгири сүрүлди

Мухбиримиз әркин
2020-11-16
Share

Америка президенти трампниң һоқуқтики ахирқи 10 һәптисидә уйғур мәсилиси, хоңкоң вә америка дөләт бихәтәрликигә мунасивәтлик техиму җиддий қарарларни алидиғанлиқи илгири сүрүлди. Америкадики «оксийос» ториниң хәвәр қилишичә, америка һөкүмитидики юқири дәриҗилик әмәлдарлар һөкүмәтниң «шинҗаң вә хоңкоңда кишилик һоқуқни дәпсәндә қиливатқан яки америка дөләт бихәтәрликигә тәһдит селиватқан техиму көп хитай ширкәтлирини, аппарат вә әмәлдарлирини җазалашни пиланлаватқанлиқи» ни билдүргән.

Хәвәрдә тәкитлинишичә, президент трампниң бу һәрикити кәлгүсидики америка президентиниң хитайға қарита йөнилишини өзгәртишигә сиясий имкан қоймаслиқни мәқсәт қилидикән. Америка дөләт хәвпсизлик кеңишиниң баянатчиси җон улийот «хитай йөнилишини өзгәртип, хәлқара сәһнидә мәсулийәтчан болмиғичә кәлгүсидики америка президентлири президент трампниң тарихий қарарлирини өзгәртсә, сиясий җәһәттин өзини өлтүривалғанлиқ болиду» дегән.

Хәвәрдә, һөкүмәт әмәлдарлириниң җаза тәдбирлири шинҗаң мәҗбурий әмгәк лагерлиридин һалқийдиғанлиқи, әмма тәйвән мәсилисидә техиму чоң қәдәмләрни ташлайдиғанлиқи билдүрүлгән. Хәвәрдә қәйт қилинишичә, һөкүмәт йәнә дөләт мудапиә министирлиқиниң хитай армийәси билән алақиси бар хитай ширкәтлирини чәкләш тизимликини кеңәйтишни музакирә қилмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт