Prézidént trampning axirqi 10 heptide Uyghurlargha alaqidar téximu jiddi qararlarni alidighanliqi ilgiri sürüldi

Muxbirimiz erkin
2020-11-16
Share

Amérika prézidénti trampning hoquqtiki axirqi 10 heptiside Uyghur mesilisi, xongkong we amérika dölet bixeterlikige munasiwetlik téximu jiddiy qararlarni alidighanliqi ilgiri sürüldi. Amérikadiki "Oksiyos" torining xewer qilishiche, amérika hökümitidiki yuqiri derijilik emeldarlar hökümetning "Shinjang we xongkongda kishilik hoquqni depsende qiliwatqan yaki amérika dölet bixeterlikige tehdit séliwatqan téximu köp xitay shirketlirini, apparat we emeldarlirini jazalashni pilanlawatqanliqi" ni bildürgen.

Xewerde tekitlinishiche, prézidént trampning bu herikiti kelgüsidiki amérika prézidéntining xitaygha qarita yönilishini özgertishige siyasiy imkan qoymasliqni meqset qilidiken. Amérika dölet xewpsizlik kéngishining bayanatchisi jon uliyot "Xitay yönilishini özgertip, xelq'ara sehnide mes'uliyetchan bolmighiche kelgüsidiki amérika prézidéntliri prézidént trampning tarixiy qararlirini özgertse, siyasiy jehettin özini öltüriwalghanliq bolidu" dégen.

Xewerde, hökümet emeldarlirining jaza tedbirliri shinjang mejburiy emgek lagérliridin halqiydighanliqi, emma teywen mesiliside téximu chong qedemlerni tashlaydighanliqi bildürülgen. Xewerde qeyt qilinishiche, hökümet yene dölet mudapi'e ministirliqining xitay armiyesi bilen alaqisi bar xitay shirketlirini cheklesh tizimlikini kéngeytishni muzakire qilmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet