Ниңшядики туңганларниң хитайниң диний тәқиплиригә қарши намайиш өткүзгәнлики илгири сүрүлмәктә

Мухбиримиз қутлан
2018-07-30
Елхәт
Пикир
Share
Принт

Бүгүн ниңшядики туңганларниң хитайниң диний тәқиплиригә қарши зор көләмдә намайиш өткүзгәнлики һәққидики син хәвәрлири твиттер қатарлиқ иҗтимаий таратқуларда тарқалди.

Син көрүнүшидин мәлум болушичә, бешиға туңганларниң ақ допписини кийгән миңлиған туңганлар ниңшяда шәһәр кочилирини айлинип наразилиқ намайиши өткүзгән. Уларниң товлиған шоарлиридин туңганларниң диний әркинликни тәләп қилғанлиқи, мәсчитләрниң қуббилири үстидики исламниң бәлгиси болған ай-юлтузни еливетишкә вә диний тәлим беридиған мәктәпләрни тақашқа наразилиқ билдүргәнлики мәлум болмақта.

Бу һәқтә иҗтимаий таратқуларда тарқалған хәвәрләрдә вә бу вәқәгә диққәт қиливатқан көзәткүчиләрниң инкаслирида ниңшядики туңганларниң күндин-күнгә чиңип кетиватқан диний тәқибләргә наразилиқ билдүргәнлики, болупму хитайниң аталмиш «шинҗаң әндизиси» ни туңганлар райониға көчүрүп келиватқанлиқиға қаршилиқ көрсәткәнлики тилға елинған.

Һалбуки, ниңшядики туңганлар намайишиниң сәвәби, җәряни, қачан вә қәйәрдә өткүзүлгәнлики һәққидә радийомиз техи ө алдиға мустәқил дәлилләш имканийитигә еришәлмиди.
Мәлум болушичә, йеқиндин буян, ниңшя, гәнсу, шәнши қатарлиқ хитайниң ғәрбий шималидики туңганлар мәркәзлик олтурақлашқан районлардиму ислам диниға болған чәклимиләр күчийип, хитайниң «ислам динини хитайчилаштуруш» урунушиниң очуқчилиққа чиқиватқанлиқи ашкара болмақта.

Пикирләр (0)
Share
Толуқ бәт