Tunggan sha'iri en ren tutqun qilin'ghan

Muxbirimiz irade
2020-01-28
Share

En ren texellusidiki tunggan sha'ir shüy xawshin tiwittirda Uyghur élide yolgha qoyuluwatqan zor kölemlik tutqun we nazaret sistémisini tenqid qilghandin kéyin tutqun qilin'ghan.

Radiyomizning igilishiche, saqchilar uni 24-yanwar jüme küni shendung ölkisining merkizi jinen shehiridiki öyidin "Jédel peyda qilip, jem'iyet amanliqini buzush" dégen jinayet gumani bilen tutqun qilghan.

Tunggan sha'ir en ren xitay hökümitining Uyghur élide yolgha qoyuwatqan siyasetlirini ochuq-ashkara tenqid qilip kéliwatqan shexslerning biri. U ilgirimu bir qanche qétim saqchi da'irilirining soraq qilishigha uchrighan. Bu qétim uning tutqun qilinishigha néme seweb bolghanliqi éniq emes. Biraq u 12-yanwar küni erkin asiya radiyosida amérikida yashaydighan tunggan qizining tughqan yoqlash üchün Uyghur élige qaytqanda lagérgha qamalghanliqi heqqidiki xewirini hembehirligen we uninggha inkas yazghan. U inkasida rayonda bir milyon etrapida tunggan barliqini, tungganlarningmu lagérlargha qamilip zulum körüwatqanliqini yazghan shundaqla u yene gensudiki tungganlarningmu hazir éghir bésimgha uchrawatqanliqini, meschitlirining chéqiliwatqanliqini ashkarilighan. Uning bu tiwittir uchuridin kéyin tutqun qilinishi diqqet qozghimaqta.

U ötken yili 8-aydimu xitay bixeterlik xadimlirining parakendichilikige uchrighanidi. Bir qisim insan hoquqi teshkilatliri buni "Xitay hökümiti Uyghurlarning zor kölemlik tutqun qilinish ehwali heqqide söz qilmaqchi bolghan en renning éghizini étish herikiti" dep izahlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet