Явропа иттипақи түркийәни сүрийәлик мусапирларни қобул қилишқа чақирди

Мухбиримиз үмидвар
2016-02-07
Елхәт
Пикир
Share
Принт

Явропа иттипақиниң ташқи ишлар оргинниң башлиқи федерика могерни түркийә һөкүмитини русийә һава армийәсиниң һава һуҗумлириниң маслишиши астида сүрийә һөкүмәт әскәрлириниң қилған һуҗумлиридин қечип, түркийә чегрисиға топлинип, бир қанчә күндин буя сани техиму ашқан сүрийәлик мусапирларни қобул қилишқа чақирди.

Б б с агентлиқиниң йезишичә, могерни сүрийәлик бу мусапирларни қобул қилиш әнқәрәниң әгәрдә қануний җәһәттин болмисиму, әмма әхлақи җәһәттики мәҗбурийити икәнликини әскәткән.

Түркийә президенти рәҗәп тайип әрдоған түркийәниң сүрийә һөкүмәт армийәсиниң алеппо шәһиригә һуҗум қилишидин қорққан миңлиған мусапирларниң өз чәграси ичигә кириши лазим болса уни қобул қилидиғанлиқи билдүрүп: «әгәр улар бизниң ишикимизни чәксә, бу уларниң башқа таллиши йоқ болғанлиқидур, әгәр лазим болса, биз қериндашлиримизниң киришигә йол қоюмиз» дегән.

Нөвәттә, түркийә чегрисиға 35 миң әтрапида мусапир топланған болуп, түркийә һөкүмити уларни йемәк - ичмәк вә башқа керәклик буюмлар билән тәминлимәктә, әмма һазирчә уларни чегридин киргүзмигән. Бирақ, һазирғичә түркийә 2 милйондин артуқ сүрийилик мусапирни қобул қилған иди.

Пикирләр (0)
Share
Толуқ бәт