Түркийә һава армийиси бомбардиманлирини давамлаштурмақта

Мухбиримиз үмидвар
2016-08-28
Елхәт
Пикир
Share
Принт

Түркийә трт радиоси вә башқа учур мәнбәлиридә қәйт қилинишичә, түркийә һава армийиси 28 - авғуст күни, сүрийәниң шималидики курд қораллиқ гуруппилирини бомбардиман қилип, 25 қораллиқ унсурни өлтүргән.

Түркийә қораллиқ күчлири баш қоманданлиқ штаби сүрийә ичидики п к к тармиқи вә п й д ниң қораллиқ гурупписиға һавадин һуҗум қилған болуп, уларниң туралғу биналиридин бәшни вәйран қилған. Түркийә тәрәп бу һуҗумни түркийә қошунлири террорчиларниң һуҗумиға учриғандин кейин, елип барғанлиқини билдүргән.

Униң алдида бир түркийә танкиси сүрийәниң шималида ракета һуҗумиға учриған болуп, бир түрк әскириниң өлүши вә үч әскәрниң ярилинишини кәлтүрүп чиқарған иди. Түркийә һәрбий тәрәп һуҗум қилған 3 һуҗумчини тутқан.Түркийә һөкүмити курдларниң п й д тәшкилати вә уларниң қораллиқ гуруппилирини п к к билән охшаш террорчи тәшкилат дәп қарайду.

Һуҗумлар җәрянида п й д ниң қолидики бир қанчә йеза әркин сүрийә армийисиниң қолиға өткән икән.

Өткән һәптә түркийә армийиси даишқа қарши һуҗумларни башлиған иди.

Әмма, русийәниң «невсру»тори һава һуҗумлирида мәлум санда тинч пуқраларниңму өлгәнликини хәвәр қилди.

Пикирләр (2)
Share

RFA

Дин Uyghur

Вақит чиқирип қиммәтлик пикир бәргәнликиңизгә көп рәһмәт. Хәвәр аптори көп ойлишип, унсур аталғусини ишләткән. Унсур аталғуси вәтәндә илгири пәқәт сәлбий мәнидила ишлитилгән. Әмма, уйғур тили изаһлиқ луғитидә бу сөз бир қанчә нуқтидин чүшәндүрүлгән болуп, «мәлум иҗтимаий гуруһ вәкили , киши» мәнилири барлиқиму көрситилгән. Мәсилән, зиялий унсур. Әксийәтчи унсур вә башқилар, бу сөзниң йәнә башқа мәнилириму контекисттә көрүлиду. Биз бу йәрдә изаһлиқ луғәттики чүшәндүрүшигә таяндуқ.

Әркин асия радийоси уйғур бөлүми


[Бу пикриңиз әркин асия радиосиниң ишлитиш бәлгилимилиригә асасән тәһрирләнди]

Sep 01, 2016 02:23 PM

Исимсиз оқурмән

Кордларни «қураллиқ унсур »дәп аташ тоғриму ? улар әркилинлик үчүн , вәтини үчүн күрәш қиливатқан кишиләрғу .....

Aug 28, 2016 11:25 PM

Толуқ бәт