Türkiye hawa armiyisi bombardimanlirini dawamlashturmaqta

Muxbirimiz ümidwar
2016.08.28

Türkiye trt radi'osi we bashqa uchur menbeliride qeyt qilinishiche, türkiye hawa armiyisi 28 - awghust küni, süriyening shimalidiki kurd qoralliq guruppilirini bombardiman qilip, 25 qoralliq unsurni öltürgen.

Türkiye qoralliq küchliri bash qomandanliq shtabi süriye ichidiki p k k tarmiqi we p y d ning qoralliq guruppisigha hawadin hujum qilghan bolup, ularning turalghu binaliridin beshni weyran qilghan. Türkiye terep bu hujumni türkiye qoshunliri térrorchilarning hujumigha uchrighandin kéyin, élip barghanliqini bildürgen.

Uning aldida bir türkiye tankisi süriyening shimalida rakéta hujumigha uchrighan bolup, bir türk eskirining ölüshi we üch eskerning yarilinishini keltürüp chiqarghan idi. Türkiye herbiy terep hujum qilghan 3 hujumchini tutqan.Türkiye hökümiti kurdlarning p y d teshkilati we ularning qoralliq guruppilirini p k k bilen oxshash térrorchi teshkilat dep qaraydu.

Hujumlar jeryanida p y d ning qolidiki bir qanche yéza erkin süriye armiyisining qoligha ötken iken.

Ötken hepte türkiye armiyisi da'ishqa qarshi hujumlarni bashlighan idi.

Emma, rusiyening “Néwsru”tori hawa hujumlirida melum sanda tinch puqralarningmu ölgenlikini xewer qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.