Ирақтики түрк әскәрлириниң "даиш" ниң һуҗумини чекиндүргәнлики мәлум

Мухбиримиз җүмә
2016-01-09
Share

Түркийә президенти рәҗәп таййп әрдуған 8 - январ истанбулда баянат берип, ирақтики түрк әскәрлириниң даиш қораллиқ күчлириниң һуҗумини чекиндүргәнликини, буниң түркийәниң ираққа әскәр йөткәш қарариниң тоғрилиқини көрситидиғанлиқини билдүргән.

Түркийәдин чидиған "бүгүнки заман" гезитиниң хәвәр қилишичә, түрккә әскәрлири өзиниң ирақ нинова өлкисигә җайлашқан бәшиқә базисиға һуҗум қозғашқа һазирлиниватқан даиш җиһадчилиридин 18 ни өлтүрүлгән.

Әрдуған һуҗумда түрк әскәрләрдин өлүш - ярилиниш һадисилири көрүлмигәнликини ейтқан.

Рейтерсниң хәвәр қилишичә, һуҗум 6 - январ йүз бәргән. Хәвәрдә түрк әскәрлиригә һәмдәм болуп даиш қораллиқ күчлиригә һуҗум қилған сүнни қисимлири командириниң ейтқанлиридин нәқил елип көрситилишичә, шу күни бирләшмә қошун даиш қораллиқ күчлири түркийәниң бәшиқәдики һәрбий базисиға 10 километир келидиған җайға һәрбий базиға ракета һуҗуми қозғаш үчүн күч топлаватқанда туюқсиз һуҗум қозғиған.

Әрдуған мундақ дегән: "бу вәқә бәшиқәгә мунасивәтлик тоғра қәдәм бесилғанлиқини көрситиду. Шуниси ениқки әскәрлиримиз у йәрдә болғаникән, у йәрдә һәрбий тәлим бериватқан офитсерлиримиз һәрқандақ һадисигә һәр заман тәйяр туралайду."

Түркийә өткән йили 4 - декабир ирақниң бәшиқә һәрбий базисиға әскәр киргүзгән.

Әйни чағда бу һәқтә хәвәр бәргән түркийә "йеңи шәпәқ" гезити түркийәниң ираққа 1200 әскәр, 20 - 25 әтрапида танка киргүзгәнликини хәвәр қилған. Кейинки хәвәрләрдә түркийә ираққа киргүзгән әскәр саниниң 150 әтрапида икәнликини көрситилгән.

Түркийәниң ираққа киргүзгән әскәр сани ихтилаптики мәсилән болсиму, әмма түркийәниң ирақ территорийәсигә әскәр киргүзүши ирақ һөкүмитиниң күчлүк наразилиқини қозғиған.

Кейин түркийә бир қисим әскилирини бәшиқә базисидин йөткәп курдистан райониға җайлаштурған болсиму, әмма бәшиқәдин пүтүнләй чекинип чиқип кетишни рәт қилған.

Ирақниң нинова өлкисигә җайлашқан бәшиқә базиси түркийә чеграсиға 140 километир, даиш алдинқи сепигә нәччә он километир келидикән.

Даиш җиһадчилири нинова өлкисигә җайлашқан әң чоң шәһәрләрниң бири болған мосул шәһирини 2014 - йили июлда толуқ бесивалған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт