Iraqtiki türk eskerlirining "Da'ish" ning hujumini chékindürgenliki melum

Muxbirimiz jüme
2016-01-09
Share

Türkiye prézidénti rejep tayyp erdughan 8 - yanwar istanbulda bayanat bérip, iraqtiki türk eskerlirining da'ish qoralliq küchlirining hujumini chékindürgenlikini, buning türkiyening iraqqa esker yötkesh qararining toghriliqini körsitidighanliqini bildürgen.

Türkiyedin chidighan "Bügünki zaman" gézitining xewer qilishiche, türkke eskerliri özining iraq ninowa ölkisige jaylashqan beshiqe bazisigha hujum qozghashqa hazirliniwatqan da'ish jihadchiliridin 18 ni öltürülgen.

Erdughan hujumda türk eskerlerdin ölüsh - yarilinish hadisiliri körülmigenlikini éytqan.

Réytérsning xewer qilishiche, hujum 6 - yanwar yüz bergen. Xewerde türk eskerlirige hemdem bolup da'ish qoralliq küchlirige hujum qilghan sünni qisimliri komandirining éytqanliridin neqil élip körsitilishiche, shu küni birleshme qoshun da'ish qoralliq küchliri türkiyening beshiqediki herbiy bazisigha 10 kilométir kélidighan jaygha herbiy bazigha rakéta hujumi qozghash üchün küch toplawatqanda tuyuqsiz hujum qozghighan.

Erdughan mundaq dégen: "Bu weqe beshiqege munasiwetlik toghra qedem bésilghanliqini körsitidu. Shunisi éniqki eskerlirimiz u yerde bolghaniken, u yerde herbiy telim bériwatqan ofitsérlirimiz herqandaq hadisige her zaman teyyar turalaydu."

Türkiye ötken yili 4 - dékabir iraqning beshiqe herbiy bazisigha esker kirgüzgen.

Eyni chaghda bu heqte xewer bergen türkiye "Yéngi shepeq" géziti türkiyening iraqqa 1200 esker, 20 - 25 etrapida tanka kirgüzgenlikini xewer qilghan. Kéyinki xewerlerde türkiye iraqqa kirgüzgen esker sanining 150 etrapida ikenlikini körsitilgen.

Türkiyening iraqqa kirgüzgen esker sani ixtilaptiki mesilen bolsimu, emma türkiyening iraq térritoriyesige esker kirgüzüshi iraq hökümitining küchlük naraziliqini qozghighan.

Kéyin türkiye bir qisim eskilirini beshiqe bazisidin yötkep kurdistan rayonigha jaylashturghan bolsimu, emma beshiqedin pütünley chékinip chiqip kétishni ret qilghan.

Iraqning ninowa ölkisige jaylashqan beshiqe bazisi türkiye chégrasigha 140 kilométir, da'ish aldinqi sépige nechche on kilométir kélidiken.

Da'ish jihadchiliri ninowa ölkisige jaylashqan eng chong sheherlerning biri bolghan mosul shehirini 2014 - yili iyulda toluq bésiwalghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet