Grétsiye 8 qachqun ofitsérni chégrani buzush bilen eyiblidi

Muxbirimiz ümidwar
2016.07.17

Grétsiye terep enqerediki siyasi özgirish yüzbergendin kéyin, shenbe küni etigende tik uchar ayropilan bilen grétsiyege qéchip kelgen 8 neper ofitsér heqqide tunji qétim uchur tarqatti. Grétsiye terep mezkur 8 neper ofitsérni chégridin qanunsiz ötken dégen jinayet bilen eyibligen. B b s agéntliqining xewer qilishiche, mezkur qéchip kelgen türkiye armiyisining 8 neper ofitséri siyasiy panahliq tiligen bolup, ularning adwokati grétsiye téléwiziye qanilining ziyaritini qobul qilip, mezkur 8 kishining özlirining siyasiy özgirishke qatnashmighanliqi, ular peqet türkiye saqchiliri ulargha qarshi oq chiqarghandin kéyin, özlirining hayatidin ensirep qéchip kelgenlikini bildürgenlikini éytqan. Türkiye hökümiti mezkur sekkiz neper ofitsérni qayturup bérishni telep qilghan.

Mezkur 8 neper ofitsérning siyasi özgirishtiki muhim kishiler bolush éhtimalliqi perez qilin'ghan.

Türkiye metbu'atlirining xewer qilishiche, türkiye edliye ministirliki hazirghiche siyasiy özgirish weqesige chétishliq dep qarilip, 6000 ming etrapida adem tutqun qilin'ghanliqini bildürgen we jinayet gumandarlirini axturush, tekshürüshlerning dawamlishiwatqanliqi melum. 15 - Iyul küni kéchide yüzbergen weqede 265 ademning ölgenliki melum boldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.