Türkiyening süriyediki herbiy herikiti xitayni bi'aram qildi

Muxbirimiz eziz
2019-10-15
Élxet
Pikir
Share
Print

Amérika hökümiti süriyedin esker chékindürüp chiqqandin kéyin, türkiye hökümiti süriyening shimalidiki kurd qoralliqlirigha hujum bashlighanidi. 15-Öktebir küni xitay hökümiti özlirining buninggha naraziliqini ipadilep, türkiyedin bu xil herbiy heriketni toxtitishni telep qildi.

Firansiye agéntliqining 15-öktebirdiki xewiride éytilishiche, xitay tashqi ishlar ministirliqining bayanatchisi géng shu'ang bu toghriliq söz qilip: "Süriyening igilik hoquqi, musteqilliqi, birliki we térritoriye pütünlüki hörmetlinishi lazim" dep körsetken. Türkiye prézidénti rejep tayyip erdoghan bolsa "Meqsitimizge yetmigüche hergizmu boldi qilmaymiz" dégen.

Melum bolushiche, xitay hökümiti izchil süriyediki besher esed hakimiyitini qollap kéliwatqan bolup, nöwette xitay hökümitining yuqiriqi chaqiriqini beziler "Xitayning süriyege yan bésiwatqanliqining inkasi" dep qarimaqta iken.

Roytérsning 15-öktebirdiki xewiride éytilishiche, amérika hökümiti shu küni türkiyege émbargo qoyushni bashlighan.

Toluq bet