Türkiye chégrasigha toplan'ghan süriyelik musapirlarning sani köpiyishke bashlidi

Muxbirimiz jüme
2016-02-06
Share

Süriyening türkiye chégrasigha yéqin aléppo shehiride urush oti kücheygendin kéyin, türkiye chégrasigha toplan'ghan süriyelik musapirlarning sani hessilep köpiyishke bashlighan.

B b s da xewer qilishiche, bu ishtin xewerdar türkiye kilis ölkisi hökümet xadimi jüme kün'ge qeder türkiye chégrasigha toplan'ghan musapirlar sani eslidiki 20 mingdin 35 minggha köpeygenlikini bildürgen.

Türkiye hökümiti bu musapirlargha yardem qilidighanliqini, emma yardemning süriye chégrasi ichide bolidighanliqini éytqan.

Bu köchmenler süriye hökümet armiyesi rusiye küreshchi ayropilanlirining yardimide bu hepte ichide aléppo ölkisige qarashliq ratyan we zahra rayonlirining bir qisim jaylirini hökümetke qarshi qoralliq küchlerdin tartiwalghandin kéyin sheherni tashlap qéchishqa bashlighan.

Aléppo shehiri 4 yildin buyan hökmetke qarshi mötidil qoralliq qozghilangchilarning bashqurushida bolup kelgen idi.

Birleshke döletler teshkilatining bildürüshiche, nöwette aléppodin musapir bolup qachqan kishilerning sani 40 minggha yétidiken.

Insaniy yardem teshkilati - "World wizhin" ning mölcherlishiche, süriyede 4 yildin buyan dawam qiliwatqan ichki urushta 250 minggha yéqin ademning ölgendin bashqa 4 milyon 400 mingdin artuq ademning musapir bolup chiqip ketken, yene 6 yérim milyondin artuq ademning süriye ichide öy - makanliridin ayrilip qalghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet