Türkiye süriyilik musapirlargha grazhdanliq béridu

Muxbirimiz ümidwar
2016-07-03
Élxet
Pikir
Share
Print


Türkiye prézidénti rejep tayip erdoghan türkiye hökümitining bu dölette turiwatqan süriyelik musapirlargha türkiye puqraliqi salahiyiti bérishke teyyar ikenlikini bildürgen.

En'gliyining"Télégraf"agéntliqining xewer qilishiche, prézidént bu sözini türkiye - süriye chégrisidiki kilis shehiride ziyaret qilghanda iftar waqtida éytqan bolup, u: "Bügün méning bu yerde turiwatqan qérindashlirimizgha yaxshi xewirim bar. Ularning arisida türkiye jumhuriyitining puqraliqini élishni xalaydighanlar bar, ichki ishlar ministirliqimiz bu jehette xizmet élip bériwatidu, türkiye silerningmu öyünglar"dégen.

Hazir türkiyede texminen 2 milyon 700 ming etrapida süriyilik musapir barliqi éytiliwatqan bolup, gerche erdoghan süriyilik musapirlargha puqraliq béridighanliqini éytsimu, emma, süriyilik musapirlarning hemmisining puqraliq salahitige ige bolalaydighanliqini körsetmigen.

Hazirche süriyilik musapirlarning qandaq shert we ölchemler astida türkiye puqralirigha iltimas qilidighanliqi éniq emes.

Türkiye da'iriliri ariliqta puqraliq iltimas tepsilat liri we bashqa belgilimilerni élan qilishi mumkin iken.

Hazirghiche türkiye hökümiti zor sandiki süriyilik musapirgha türkiyide turush, ishlesh ruxsiti we bashqa parwanliqlardin behrimen bolush salahiti bergen idi.

Toluq bet