Türkiye yawropa ittipaqi bilen musapirlar kélishimi hasil qilghan

Muxbirimiz jüme
2016-03-20
Élxet
Pikir
Share
Print

Türkiye yawropa ittipaqi bilen hasil qilghan musapirlar kélishimining muhim ehmiyetke ige ikenlikini bildürdi.

Jüme küni byurosida türkiye we yawropa ittipaqi arisida élip bérilghan söhbettin kéyin axbarat élan qilghan türkiye bash ministiri ehmet dawut oghli mundaq dédi: "Bu yene bir tarixiy kün, chünki biz türkiye bilen yawropa ittipaqi arisida bir muhim kélishim hasil qilduq."

Bu nöwet hasil qilin'ghan kélishim boyiche, girétsiyege qapsilip qalghan musapirlarning ichidiki panahliq iltimasi ret qi'ilin'ghanlirini türkiyege qayturush belgilen'gen.

Türkiye uning ornigha türk puqralirining yawropa ittipaqi ellirige wizisiz kirish ishini hel qilghan we 6 milyard 800 milyon dollar musapir yardem sommisigha érishken.

5 Yildin buyan dawam qiliwatqan süriye ichki urushi milyonlighan ademlerning süriyedin musapir bolup chiqip kétishige seweb bolghan. Nöwette türkiyede 2.6 Milyon süriyelik musapir panahlan'ghan. Uningdin bashqa yene nechche milyon musapir türkiye arqiliq yawropagha éqishqa bashlighan.

Mezkur musapirlar éqimi köpligen yawropa ellirige bésim élip kelgen. Bu yilning béshida yawropadiki asasliq döletlerge kiridighan qanallar taqalghandin kéyin, türkiye arqiliq girétsiyege qanunsiz kirgen minglighan musapir eslidinla iqtisadiy kirsiz ichidiki girétsiye weziyitide jiddiylik yaratqan.

Shundin kéyin yawropa elliri jiddiy bash qoshup, musapirlar mesilisini hel qilish söhbitini bashlighan idi.

Yawropa konsuli prézidénti donald tusk türkiye - yawropa musapir kélishimini yawropa ittipaqigha eza 28 dölet toluq qollighanliqini bildürdi.

Toluq bet