Türkiye milliyetchi heriket partiyesi türkiye tashqi ishlar ministirliqining Uyghurlarni qollighanliqini alqishlidi

Yéqinda Uyghurlar duch kéliwatqan milliy basturush herikiti pütün dunyaning diqqitide boluwatqanda türkiye hökümiti yene bir qétim otturigha chiqip bu mesilide xitayni qattiq eyiblidi. Bolupmu islam dunyasi Uyghurlar mesilisi heqqide söz qilishtin özlirini élip qéchiwatqanda türkiyening bu herikiti xelq'araning alqishigha érishti.

13-Féwral küni türkiye milliyetchi heriket partiyesining mu'awin re'isi erkan aqchay türkiye parlaméntida söz qilip, türkiye tashqi ishlar ministirliqining bayanatchisi hami aqsöyning 9-féwral küni Uyghurlar uchrawatqan zulum heqqide qilghan sözlirini qizghin qollaydighanliqini bildürdi. Bu bu heqte söz qilip, Uyghur sen'etkar abduréhim héytning ölümi heqqidiki qisqa filim “Hergizmu xitay hökümitining Uyghur qérindashlargha yürgüzüwatqan sistémiliq zulum siyasitini yoshurup kételmeydu,” dégen.

U nöwette yüzligen Uyghur alimlar, proféssorlar, sha'ir-yazghuchilar we sen'et mutexessislirining qamaqta ikenlikini alahide eskertip, bu kishilerning hazir qandaq ehwalda ikenlikidin héchkimning xewiri yoqluqini, shunga dunyaning bu mesilige jiddiy qarishi lazimliqini otturigha qoyghan. Shuningdek “Sherqiy türkistan türklirining heqliq dawasining egeshküchisi we qollighuchisi türkiye jumhuriyitidur. Bu hal héchqachan özgermeydu,” dégen.