Түркийә һөкүмити бәзи уйғурларниң вәтәндашлиқ илтимасини “дөләт бихәтәрликигә зиянлиқ” дегән сәвәб билән рәт қилған

Мухбиримиз җәвлан
2022-03-02
Share

Хитайниң қанлиқ зулуми вә дөләт террорлуқидин қечип түркийәгә сиғинған уйғур мусапирлиридин бәзилириниң түркийә тәвәликигә өтүш илтимаси “дөләт бихәтәрликигә зиянлиқ” дегән сәвәб билән рәт қилинған.

Anxios Ториниң хәвәр қилишичә, түркийә ичкий ишлар миниситирлики түркийәдин панаһлиқ тилигән уйғурлардин актип паалийәтчиләрниң вәтәндашлиқ илтимасини “дөләт бихәтәрликигә тосалғу пәйда қилған” дәп қарап рәт қилған. Хәвәрдә бир уйғурниң вәтәндашлиқ илтимасиниң көпәйтилгән нусхиси берилгән болуп, рәт қилиш сәвәбидә “иҗтимаий тәртип вә дөләт бихәтәрликини бузуш еһтимали бар” дәп йезилған.

Хәвәрдә ейтилишичә, түркийәдә 30 миңдин 50 миңғичә уйғур панаһалинип туруватқан болуп, буларниң ичидә хитай һөкүмитиниң зулумиға қарши мәйданға чиққан, аилә-тавабиатлириниң из-дерикини қилған, торда актип һәрикәт қилғанлар хитайниң көзигә миқ болуп қадалған, хитайниң түркийәдики әлчиханиси түркийә һөкүмитидин бундақларни хитайға қайтурушни тәләп қилған. Әрдоған һөкүмити гәрчә өктичи партийәләрниң бесимиға учрап, уларни хитайға қайтуруп бәрмигән болсиму, әмма уларниң вәтәндашлиқ илтимасини рәт қилған. Шуниң билән түркийәдин үмидини үзгән уйғурлар явропа вә башқа дөләтләрдин панаһлиқ издәшкә башлиған.

Тәһлилчиләрниң қаришичә, “5-июл үрүмчи қирғинчилиқи” ни “ирқий қирғинчилиқ” дәп атиған әрдоған шу мәзгилдә бәзи уйғуларға вәтәндашлиқ бәргән болсиму, кейин хитай билән сиясий, иқтисадий мунасивәтлириниң күчийиши билән тәң бешини ичигә тиқивалған, 5 йилдин бери мәхпий давам қиливатқан “ирқий қирғинчилиқ” қа көз юмған вә түркийәдә панаһлиниватқан уйғурларға нәччә милйон сүрийә мусапирлириға ярдәм бәргәнчилик ярдәм бәрмигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт