Түркийә диний ишлар идариси башлиқи әли әрбашниң уйғур мәсилисидики сүкүти әйибкә учриди

Мухбиримиз ирадә
2021-01-28
Share

Түркийә диний ишлар идариси башлиқи әли әрбаш бүгүн тивиттер һесабидики язмисида данийәдики бир мәсҗиткә қилинған һуҗумни әйиблигән. Тивиттир қолланғучилири болса әрбаштин охшаш тәнқидни хитайғиму қилишни тәләп қилди.

Әрбаш тивиттир учурида мундақ дегән: "мән данийәдики абенра мәсчитигә қилинған пәскәшлик һуҗумни қаттиқ әйибләймән. Биз ислам дүшмәнлики идийәси бар ирқчи гуруппиларниң күндин-күнгә күчийиватқан паалийитиниң ахирлишишини вә уларниң балдуррақ сотқа тартилишини үмид қилимиз."

Униң бу учуридин кейин тивиттир қолланғучилири инкас йезип әли әрбаш әпәндини уйғурлар үчүнму ипадә билдүрүшкә чақирди. Инкасларниң биридә: "һөрмәтлик әрбаш әпәнди, сизниң инкас қайтурушиңиз үчүн пәқәт скандинавийәдики мәсчитләргә һуҗум қилиниши керәкмиди? хитайниң шәрқий түркистанда елип барған ирқий қирғинчилиқиға бир нәрсә демәмсиз?у йәрләрдә ханивәйран қилиниватқан вә еғилға айландурулуватқан мубарәк орунларға инкас қайтурмамсиз?" дәп наразилиқ билдүрүлгән.

Түркийә диний ишлар идариси башлиқи әли әрбаш охшаш уйғурлар учраватқан зулумға сүкүт қилиш билән әйиблиниватқан затларниң бири. Түркийә ақ партийә һөкүмити вә униңға қарашлиқ органларниң дуняниң һәрқайси җайлиридики мусулманларға мунасивәтлик мәсилиләрдә "икки хил өлчәм" қоллиниши тәнқидкә учрап кәлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт