Türkiye diniy ishlar idarisi bashliqi eli erbashning Uyghur mesilisidiki süküti eyibke uchridi

Muxbirimiz irade
2021-01-28
Share

Türkiye diniy ishlar idarisi bashliqi eli erbash bügün tiwittér hésabidiki yazmisida daniyediki bir mesjitke qilin'ghan hujumni eyibligen. Tiwittir qollan'ghuchiliri bolsa erbashtin oxshash tenqidni xitayghimu qilishni telep qildi.

Erbash tiwittir uchurida mundaq dégen: "Men daniyediki abénra meschitige qilin'ghan peskeshlik hujumni qattiq eyibleymen. Biz islam düshmenliki idiyesi bar irqchi guruppilarning kündin-kün'ge küchiyiwatqan pa'aliyitining axirlishishini we ularning baldurraq sotqa tartilishini ümid qilimiz."

Uning bu uchuridin kéyin tiwittir qollan'ghuchiliri inkas yézip eli erbash ependini Uyghurlar üchünmu ipade bildürüshke chaqirdi. Inkaslarning biride: "Hörmetlik erbash ependi, sizning inkas qayturushingiz üchün peqet skandinawiyediki meschitlerge hujum qilinishi kérekmidi? xitayning sherqiy türkistanda élip barghan irqiy qirghinchiliqigha bir nerse démemsiz?u yerlerde xaniweyran qiliniwatqan we éghilgha aylanduruluwatqan mubarek orunlargha inkas qayturmamsiz?" dep naraziliq bildürülgen.

Türkiye diniy ishlar idarisi bashliqi eli erbash oxshash Uyghurlar uchrawatqan zulumgha süküt qilish bilen eyibliniwatqan zatlarning biri. Türkiye aq partiye hökümiti we uninggha qarashliq organlarning dunyaning herqaysi jayliridiki musulmanlargha munasiwetlik mesililerde "Ikki xil ölchem" qollinishi tenqidke uchrap kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet