Журналистларни қоғдаш комитети «8‏-март байрими» мунасивәтни билән түрмидики уйғур аял журналистлирини хатирилиди

Мухбиримиз әркин
2019-03-09
Елхәт
Пикир
Share
Принт

Мәркизи американиң нюйорк шәһиридики «журналистларни қоғдаш комитети» 8‏-март аяллар байрими мунасивәтни билән доклат елан қилип, дуняни уйғур аял журналистлирини өз ичигә алған түрмидики аял журналистларни унтуп қалмаслиққа чақирған. Мәзкур органниң 8‏-март күни елан қилған доклатида көрситилишичә, нөвәттә дуня бойичә ахбаратчилиқ хизмити сәвәблик түрмидә йетиватқан 251 нәпәр журналистниң 33 нәпири аял икән. Доклатта, хитай түрмисидә йетиватқан 7 нәпәр аял журналистниң исми тилға елинған. Уларниң 3 нәпири уйғур болуп, униңда гүлмирә имин, атикәм рози вә чимәнгүл авут тонуштурулған. Гүлмирә имин «диярим» ториниң сабиқ тор башқурғучиси болуп, 2009‏-йили «5‏-июл вәқәси» дә тутқун қилинған. У «топилаңға қутратқулуқ қилиш» билән әйиблинип муддәтсиз кесилгән. «Уйғурбиз» ториниң башқурғучиси атикәм роза 2014‏-йили 11‏-айда атақлиқ уйғур өктичи зиялий илһам тохтиға четилип тутқун қилинған.

«Қәшқәр әдәбияти» ниң тәһрири, тонулған шаир чимәнгүл авут өткән йили ғайиб болған. Радийомиз өткән йили 11‏-айда униң 2015‏-йили тәһрирлигән язғучи халидә исраилниң «алтун кәш» намлиқ романи сәвәблик тутқун қилинғанлиқини дәлиллигән иди. Журналистларни қоғдаш комитети доклатида, чимәнгүл авутниң хитайниң уйғурларни бастурушида тутқун қилинғанлиқи, униң хәтәрлик китабларни нәшр қилған, дәп әйибләнгәнликини билдүргән. Журналистларни қоғдаш комитети «8‏-март байрими» мунасивити билән елан қилған баянатида, һалқилиқ һадисиләрни хәвәр қилип өч елишқа учриған дуняниң һәр қайси җайлиридики бу аял журналистларға һөрмәт билдүридиғанлиқини тәкитлигән.

Пикирләр (0)
Share
Толуқ бәт